Lehenbailehen indarrean sar dadin, Gobernuak Parlamentuaren Mahaiari eskatu dio lege-proiektu hori premiazko prozeduran izapidetu dezala eta irakurketa bakarrean, Toki Erregimeneko Foru Batzordeak aldeko txostena egin duela eta funtzionarioen nahiz estatutuko langileen Negoziazioko Mahai Orokorrari igorri zaiola, eta baita Nafarroako Foru Komunitateko Administrazioaren eta haren erakunde autonomoen zerbitzura dauden langileen lan-hitzarmenaren batzordeari ere.

Foru-proiektua arrazoien azalpen batek, bi artikuluk, hiru xedapen gehigarrik eta bi azken xedapenek osatzen dute. Proiektuaren 1. artikuluan 2012ko abenduko aparteko ordainsaria kentzea jasotzen da Nafarroako sektore publikoko langile guztientzat. Alde horretatik, neurriak Nafarroako administrazio publikoetako langileei eragiten die, bertako funtzionarioen edo laneko erregimen juridikoa kontuan hartu gabe, bai eta haien zerbitzura dauden goi-karguei nahiz gainerako behin-behineko langileei ere, ordainsariren bat jasotzen ari direnak barne; gainera, eragiten die ere, Nafarroako Unibertsitate Publikoko langileei eta sozietateen zein fundazio publikoen zerbitzura dauden langileei, bertako zuzendaritzako kideak barne.

Errege Dekretu Legegilean jasotako aurreikuspen-sorta bat ere jasotzen da, esaterako: alde batetik, neurria langileei nola aplikatu, kontuan hartuz langileen ordainketa-erregimenean ez dela jasotzen aparteko ordainsariak eskuratzea (hamalaurena murriztuko da); bestetik, ordainsarietan lanbide arteko gutxieneko soldata 1,5 aldiz jasotzen ez duten langileak kanpoan uztea.

2. artikuluan eta 2012ko abenduko aparteko ordainsaria kentzeak Nafarroako sektore publikoko langileentzat dakartzan ondorioak arintzeko asmoz, honako hau ezartzen da: Administrazioek eta erakunde publikoek urtarrileko eta uztaileko lehen egunetan aurreratu ahal izango dute haien mende dauden langileen aparteko ordainsarien ordainketa, baldin eta erakundearen egoera ekonomikoak eta aurrekontu-egoerak horretarako aukera ematen badu.

Aurrerakinak eragingo die, gutxienez sei hilabeteko kontratua izatea aurreikusten den langile finko eta aldi baterako langileei (aurreikusitako iraupena txikiagoa bada, dagokion zati proportzionala aurreratuko da).

Aparteko ordainsaria aurrez ordaindu ondoren, zerbitzu-harremana amaitzen den hipotesian, dagokion likidazioa egingo da eta gehiegi jasotako zenbatekoa itzuliko da.

Xedapen gehigarrietan jasotzen da, Nafarroako sektore publikoko zerbitzura dauden langileen enplegu-baldintzei buruz izenpetutako akordio eta hitzarmen kolektiboen etete partziala, eta Nafarroako Justizia Administrazioko langileentzat; azken horien gainean Foru Gobernuak ez du eskumenik ordainketa-sistema aldatzeko, 2013an soldata-aurrerakinen sistema bat hartzeko erabakia langile horientzat izaera orokorrekoa den neurritik sortutako antzeko ondorio bat lortzeko xedez.

Halaber, proiektuak jasotzen du Errege Dekretu Legegilearen xedapena oinarrizkoa dela. Hark ezartzen du aparteko ordainsaria kentzearen ondoriozko kopuruak hurrengo ekitaldietan pentsio-planetan ekarpenak egiteko edo aseguru kolektiboaren kontratuak egiteko erabiliko direla, erretiroaren arriskuaren estaldura barne hartzen dutenak. Egoera hori estatu-mailan gertatzen denean, dagozkion ekimenak hartuko dira Nafarroako Administrazioetan eta sektore publikoko erakundeetan ere aplika daitezen, baldintza berberetan edo antzeko neurri baten bidez.