Nafarroako Lehendakari Yolanda Barcina-k Andrea Barnó jokalaria hartu du gaur Nafarroako jauregiko bulego ofizialean 2012ko Londresko Olinpiar Jokoetan parte hartu ondoren. Joko Olinpiko horietan brontzeko domina erdietsi du Espainiako emakumezkoen eskubaloi-taldearekin.

Kirolari nafarra harreran izan da Nafarroako Kirol eta Gazteria Institutuko zuzendari-gerente Prudencio Induráin-ekin batera.

Jokalaria Espainiako selekzioan ohiko jokalaria da, eta talde horrekin hirugarren postua eskuratu du 2011ko Munduko Txapelketan eta laugarrena 2010eko Mundialean. Gainera, 2010eko Europako Txapelketan parte hartu du (selekzioa hamaikagarren sailkatu zen), eta baita 2009ko Mundialean (laugarren ) eta 2008ko Europako Txapelketan ere (bigarren).

Andrea Barnó-k 2003/2004 denboraldian debutatu zuen Ohorezko Ligan (ABF Liga) Itxako Kirol Elkartearekin. Talde horrekin, beste titulu batzuen artean, 2011/2012ko Superkopa lortu du; eta Ohorezko Mailako, Erregina Kopako eta Superkopako txapeldun izan da 2009-2010 eta 2010-2011 denboraldietan.