2012ko katalogoak aurkezten dituen berrikuntza aipagarrienak dira, Pirinioko Autobidea (A-21) eta Irurita-Elizondo, Mendabia, Lodosa, Milagro eta Valtierra-Arguedasko saihesbideak barnean sartu direla. Gainera, berraztertu eta eguneratu dira toki-erakundeen herri barruko bide gisa bakarrik funtzionatzen duten errepideak, zerbitzua duten edo zerbitzurik gabeko trenbideetan sartzeko soilik balio dutenak, eta tokiko bideak, katalogoan badaude ere, ez dutenak osatzen komunikazioen sare kapilarra eta ez dutenak balio herrigunera iristeko eta ezta lotura egiteko ere Foru Komunitatekoak edo haren alboko lurraldetakoak baino maila handiagoko errepideen artean.

Ibilbideen inbentarioari dagokionez, berraztertu da, alde batetik, 2012ko katalogoaren aldaketei egokitzeko, eta bestetik, bide-zatiak kentzeko, non aurrez zati horien lagapen formala egin zaien kaltetutako tokiko erakunde guztiei.

Errepideen mapa gero eta gehiago kontsultatzen den produktua da. Adibidez, guztira 969 pertsonak deskargatu dute Internet bidez 2012an; 2011n, berriz, 621 izan ziren.

Obra Publikoen Zuzendaritza Nagusiaren webgunean, erabiltzaileak mapa osorik kontsulta eta deskarga dezake pdf-n eta udalerrika (1:200.000 eskalan), bai eta errepideen katalogoa kontsultatu ere. Gainera, deskargatzeko aukera dago Google Earth bidez ikusarazteko.