Nafarroako Lehendakari Yolanda Barcinak Perura bidaiatu du San Ignacio Loyola Unibertsitateak honoris causa doktore izendatuko duela eta. CaixaBank-en Isidro Fainé lehendakariari ohorezko titulu bera ere emango dioten ekitaldia astelehen honetan, 19:00etan (Peruko ordutegian) egingo da unibertsitateak Liman duen campus-ean.

Maila akademiko gorenena da eta, hala, unibertsitateak "haren bizi-ibilbide aipagarria"-ren aitorpena egin nahi du. Beste merezimenduen artean, azpimarratzen du Farmazian doktore dela Nafarroako Unibertsitatean eta, haren ibilbide politikoan "kargu publiko garrantzitsuak bete dituela haiek betetzen lehen emakumea izanik"; kargu horien artean daude, Nafarroako Gobernuko Ingurumen, Lurralde Antolamendu eta Etxebizitzako sailburua, Iruñeko alkate, Unión del Pueblo Navarroko (UPN) lehendakaria eta Nafarroako Lehendakaria.

Ekitaldiaren aurretik, Barcina Lehendakariak lan-bilera bat izango du unibertsitateko lehendakari-fundatzaile Raúl Diez Canseco-rekin, Edward Roekaert errektorearekin eta unibertsitateko beste zenbait agintarirekin. Bilera horretan hitzarmen bat izenpetuko dela aurreikusita dago Nafarroako Gobernuaren eta San Ignacio de Loyola Unibertsitatearen artean etorkizunean elkarlana sustatzeko.

Ondoren, ohorezko bazkaria izango da eta arratsaldean campus-a bisitatuko da, ekitaldia ospatu aurretik, eta bertako buru unibertsitateko lehendakari-fundatzaile Raúl Diez Canseco eta unibertsitateko errektore Edward Roekaert izango dira.