Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
1,28 milioi euro jarriko du langile horien lan-kostuaren % 75 diruz laguntzeko, Espainiako gainerako lekuetan indarrean dagoen laguntzaren % 50aren aurrean
Transcripción textual del video
Nafarroako Gobernuak gaurko bilkuran onartu du 2012an irabazi-asmorik gabeko enplegu-zentro bereziei finantzatzen jarraitzea –hamaika guztira– ezintasun handiko langileen lanbide arteko gutxieneko soldataren % 75ri dagozkion lan-kostuak: 400 pertsona inguru garuneko paralisiarekin, buruko gaitzarekin edo adimen-urritasunarekin % 33ko edo handiagoko maila batean, edo ezintasun fisikoarekin edo zentzumen-ezintasunarekin % 65 edo gehiagoko mailarekin.
Noainen dagoen Tasubinsaren industria-garbitegi berria
(
irudia handitu
)
Nafarroako Gobernuak gaurko bilkuran onartu du 2012an irabazi-asmorik gabeko enplegu-zentro bereziei finantzatzen jarraitzea –hamaika guztira– ezintasun handiko langileen lanbide arteko gutxieneko soldataren % 75ri dagozkion lan-kostuak: 400 pertsona inguru garuneko paralisiarekin, buruko gaitzarekin edo adimen-urritasunarekin % 33ko edo handiagoko maila batean, edo ezintasun fisikoarekin edo zentzumen-ezintasunarekin % 65 edo gehiagoko mailarekin.
Gobernuak erabaki hori hartu du –1.279.700 euroko gastu gehigarria ekarriko duena– Estatuak pertsona horien LGSren % 75ean laguntza emateko beharra kendu ondoren, 2009an ezarri zuen moduan eta hurrengo urteetan luzatu zuen moduan. Era horretan, enplegu-zentro guztiek jaso behar dute lanaldi osoz eta Gizarte Segurantzan alta emandako ezintasuna duten beren langileen LGSren % 50, maila eta mota alde batera utziz, estatuko araudiak dioenaren arabera.
Nafarroa da laguntza osatzeko erabakia hartu duen autonomia erkidego bakarra, Europako Gizarte Funtsak % 50ean kofinantzatuko duena eta atzeraeraginezko ondorioak izango dituena (2012 guztiko LGSren % 75 estaliko du). Gobernuak onartu egin du, duten ezintasun-motagatik eta ezintasun-maila handiagatik enplegu-maila murriztuta geratzen zaien kolektiboen lanpostuei eusteko
Neurri horien zentro onuradunak izango dira: Tasubinsa, Aspace, Elkarkide, Nafarroako DYA, Adisco, Albernia, Amimet, Ferimax, Bidean fundazioa, Gupost eta Nasermo.
Enplegu-zentro berezientzako laguntzak
Guztira, Nafarroako Gobernuak 11,66 milioi euro jarriko ditu Foru Komunitatean dauden 17 enplegu-zentro berezientzat (irabazi-asmoa dutenak edo ez dutenak). Zentro horietan ezintasunen bat duten 1.300 pertsonak egiten dute lan. LGSaren % 25eko gehigarria ordaintzeko gaur onartutako 1,28 milioi euro horiei beste 5,4 milioi euro gehitu behar zaizkio, martxoan baimendu zirenak Estatuko araudiak ezarritako LGSren % 50a osorik finantzatzeko. Halaber, Foru Administrazioak enpresa-kuotaren % 100 ordaintzen dio Gizarte Segurantzari.
Gehigarri modura, Nafarroako Gobernuak irabazi-asmorik gabeko enplegu-zentro berezien edo laguntza-unitateen aurrekontua orekatzen laguntzen du (guztira, 1,3 milioi euro).
Gainera, aurten aurreikusten du 3,8 milioi euroko balioa duten kontratuak esleitzea –kontratu publiko guztien % 22,58a eta lizitazioko kopuru guztiaren % 3,29a– irabazi-asmorik gabeko enplegu-zentro bereziei (CEE) eta gizarteratzeko eta laneratzeko zentroei (CIS). Era horretan, Kontratu Publikoen Foru Legearen 9. artikuluaren aplikazioan aurrera egiten da, Nafarroako administrazio publikoetako kontratuen % 6ko nahitaezko erreserba-portzentaje bat ezartzen duena mota horretako erakundeentzat, Nafarroako Lehendakari Yolanda Barcinak aurreratu zuenez Nafarroako Enplegu Zentro Berezien Elkarteak (ACEDMNA) antolatutako ekitaldi baten irekieran.
Albiste hau osorik izan nahi baduzu PDF artxibo batean sakatu hemen