Horretarako, Iruñerritik at bizi beharko dute, Nafarroako hiriburuko edo Tuterako zentroetan ikasten badute, Erriberako hiriko campusera joaten badira, eta ikastetxera eskualdeen arteko garraioan joan beharko dute. Halaber, aurreko ikasturtean gutxienez 48 kreditu gainditu izana eskatzen da edo 5,50 puntutik gorako sarrera-nota izatea unibertsitatean estreinakoz matrikulatzen badira. Gainera, Nafarroako Gobernuaren gazte-txartelaren titular izan beharko dira (baldintzak betetzen direnean).

Oro har, txartelaren prezioaren % 50 itzuliko da laguntzaren bitartez. Horretarako, onuradunek Hezkuntza Departamentuan aurkeztu beharko dute 2013ko urtarrileko, apirileko eta uztaileko lehen 15 egunetan unibertsitate-garraioan aurreko hilabeteetan erabili dituzten txartelak.

Bestalde, Nafarroako Gobernuak hitzarmenak sinatuko ditu bidaiarien garraio-enpresekin unibertsitarioak Iruñea edo Tuterara ailega daitezen lehen eskola baino lehen, beti 08:00ak baino lehen, eta beren jatorrizko udalerrietara itzul ahal daitezen 21:00ak baino lehen. Eguneko lehen zerbitzuan nahiz arratsaldeko azkenekoan, autobusek geldialdi bat egin beharko dute unibertsitate bakoitzetik gertu dauden ohiko tokietan.

Gainera, aparteko bi zerbitzu horietan behar beste leku izan beharko dute; hala, ikasle bat bera ere ez da eserlekutik gabe geratuko. Gainerako ordutegian, onuradunek gainerako bidaiariek dituzten eskubide berak izango dituzte. Ikasleek, gainera, beraien eskaera betetzeko unean konprometitutako ordutegia errespetatu beharko dute.