Nafarroako Lehendakari Yolanda Barcina Foru Komunitatearen eta Nafarroa Beherearen (Frantzia) arteko harremanak sustatzearen alde agertu da. Bi lurralde horiek garai bateko Nafarroako Erreinukoak izan ziren. "Nafarroa bateko zein besteko herritarrok iragan bateratu bat partekatzen dugu, sustrai sozial eta kultural berberekin" eta "gaur egun, izandako aurrerapen handien ondoren, inoiz baino aukera handiagoak ditugu gure harreman instituzionalak eta sozialak finkatzeko", adierazi du Yolanda Barcinak.

Lehendakariak adierazpen horiek egin ditu Bi Nafarroen Mintegiaren zortzigarren edizioko itxiera-ekitaldian. Ekitaldia Nafarroa Behereko La Bastide Clairence udalerrian egin da 1312an Nafarroako Luis I. eta Frantzia Hutin-go Luis X. erregeak udalerri hori sortu zuten zazpigarren mendeurrena dela eta. Gertakari horrek, Yolanda Barcinak nabarmendu duenez, "gure historia bateratuaren aldi interesgarri bat gogoratzea ahalbidetzen digu".

Jardunaldia garai bateko Ultrapuertosko merindadeko ipar-ekialdeko udalerri frantsesaren sorrerari buruzkoa izan da, helburu bikoitz batekin: alde batetik, Adour-eko bide nabigagarriaren bidez, itsasorako irteera bat bilatzea Gipuzkoako portuak galdu ondoren; bestalde, lurralde nafarraren defentsa hobetzea gobernu ingelesa Gascuña-n (Frantzia) berrezarri ondoren.

Gertakari hori mintegian bi hitzaldiren bidez aztertu da. Lehenengoa Jean Dufourcq-ek eman du eta "El puerto fluvial de La Bastide Clairence"-i buruz ("La Bastide Clairence-ren ibaiko portua") hitz egin du. Bigarren hitzaldia Nafarroako Unibertsitateko Erdi Aroko Historiako doktore Susana Herreros-ek eman du "Historia de las Tierras de Ultrapuertos" ("Ultrapuertosko Lurren Historia") hizpide hartuta.

Gainera, hirugarren hitzaldi bat eskaini da Nafarroako defentsako eraikuntzen inguruan. "Navarra, el reino de los 100 castillos" ("Nafarroa, 100 gazteluen erreinua") izeneko hitzaldia Nafarroako Errege Artxibo Nagusiko zuzendaria izan zen Juan José Martinena-k eman du. Erdi Aroan zeuden ehun gotorlekuetatik Foru Komunitatean egun kontserbatzen diren ehun bat gotorlekuri buruz hitz egin du.

Jardunaldia ekitaldi nagusi batekin amaitu da, eta bertan izan dira: Nafarroako Lehendakari Yolanda Barcina; Pirinio Atlantikoetako Kontseilu Orokorreko lehendakariorde Marie-Pierre Cabanne; Nafarroako Parlamentuko lehendakari Alberto Catalán; Iruñeko alkate Enrique Maya; La Bastide Clairence-ko alkate Leopold Darritchon; eta Pantxoa Achiary-k Saint Palais-ko Nafarroako kulturgunearen proiektuaz hitz egin du. Haiekin batera, bi eskualdetako agintariek ere parte hartu dute, besteak beste, bigarren lehendakariorde eta Kulturako, Tursmoko eta Erakunde Harremanetako kontseilari Juan Luis Sánchez de Muniáin-ek.