Nafarroako Gobernuak 2,3 milioi euroko toki inbertsioak egitea onartu du toki-azpiegiturak hobetzeko, eta kopuru horretatik Foru Gobernuak 1,5 milioi euro jarriko du.

Onartutako jarduerak 2009-2012 aldrako Toki Inbertsioen Planaren barnean sartzen dira, martxoaren 14ko 3/2012 Foru Legeak luzatutakoa.

Ondoren, onartutako obrak eta zein erakundetakoak diren zehazten dira, bai eta onartutako inbertsioaren nahiz emandako diru-laguntzaren zenbatekoak ere:

Cortes: Udalaren erabateko berrikuntza (1. fasea): 218.793 euroko inbertsioa eta 153.155 euroko diru-laguntza.

Lizarra: zolaketa, euri-urak eta eustorma Donostia hiribidean eta Puy-ko basilikan. 317.017 euroko inbertsioa eta 221.912 euroko diru-laguntza.

Jaurrieta: zenbait kaleren hornidura eta saneamenduko sareak berritzea, 209.452 euroko inbertsioarekin eta 124.251 euroko diru-laguntzarekin; eta zenbait kaleren zolaketa eta euri-uren sarea berritzea. 236.407 eurko inbertsioa eta 165.454 euroko diru-laguntza.

Leitza: hornidura-sareak berritzea, ur zikinak nahiz euri-urak, eta zolaketa Amazabal auzoan. 478.545 eta 374.013 euroko inbertsioa eta 283.882 nahiz 232.532 euroko diru-laguntza, hurrenez hurren.

Santsol: Florinda eta Taconera kaleen zolaketa. 138.511 euroko inbertsioa eta 96.958 euroko diru-laguntza.

Luzaide: herri barruko bideen zolaketa goiko eta beheko aldean (Elizaldea kalea). 202.495 euroko inbertsioa eta 140.086 euroko diru-laguntza.

Zabalegi (Noain): 1. zonaldearen zolaketa. 19.423 euroko inbertsioa eta 13.596 euroko diru-laguntza.

Montejurrako mankomunitatea (Santsol): Florida eta Taconera kaleetako sareak berritzea. 73.407 euroko inbertsioa eta 43.546 euroko diru-laguntza.

Izarbeibarreko mankomunitatea (Zirauki): Eroanbide orokorreko zatia berritzea. 69.245 euroko inbertsioa eta 46.945 euroko diru-laguntza

Inbertsio berri horiek berriki onartu diren 5,9 milioi euroko beste batzuei eransten zaizkie. Azken horiek honako leku hauetan egingo dira: Arroitz, Arruazu, Baztan, Berriobeiti, Ezkabarte, Iturgoien, Leitza, Milagro, Sesma. Viana, Ultzama, Urraulgoiti, Urrotz, Iruñerriko mankomunitatea, Mairaga-Erdialdeko mankomunitatea eta Montejurrako mankomunitatean.