Nafarroako Lehendakari Yolanda Barcinak Iruñeko San Juan de Dios ospitalea zabaltzeko lehen harria jartzeko ekitaldian izan da gaur eguerdian. 36 hilabeteko iraupena izan duten obrek 41 milioi euroko aurrekontua dute, eta haietatik 14,75 Nafarroako Gobernuak abalatu du, Sodena enpresa publikoaren bitartez.

Lehendakariak adierazi du Foru Gobernuaren laguntzarekin jarduera horri osasun publiko eta pribatuaren arteko kontzertu-politika berritzen zaiola, "funtzionatu duen lankidetza-formula" eta, hain zuzen, berrogeiko hamarkadan hasi zena San Juan de Dios ospitalearekin.

Gauzatu behar den obrari dagokionez, Yolanda Barcinak azpimarratu du ospitaleak "bidea markatzen digula, borrokan jarraitzeko, inbertitzen jarraitzeko, etorkizunean pentsatuz jakinik krisiak, gogorrak izanagatik, garaitu egiten direla betiko tresnekin, lanarekin eta ahaleginarekin".

Ospitaleko kaperan burututako ekitaldian honako hauek izan dira: Osasuneko kontseilari Marta Vera; Iruñeko alkate Enrique Maya; Ospitaleko zuzendari-gerente Patricia Segura; Aragoi-San Rafael probintziako San Joan Jainkoarenaren anaiaken probintziburu Pascual Piles anaia.

Ekitaldian zehar, agintariek kutxa bat sartu dute eta haren barnean zeuden: lehen harria jartzeko ekitaldiaren akta, San Joan Jainkoarenaren anaiaken txartel handi bat intsignia batekin (ospitaleko titularra), Nafarroan argitaratutako bi egunkariren bi ale (Diario de Navarra eta Diario de Noticias), legezko erabilerako joko bat eta CD bat obra egikaritzeko proiektuarekin.

Zabaltze-obretan eraikin berri bat egin eta jatorrizkoa berrituko da, Victor Eusa arkitektoak diseinatuta eta Vianako Printzea Erakundeak babestutako eraikin arkitektonikotzat aitortzen duena. Jardueraren helburua ospitalaren jarraipena bermatzea da eta bertako erabiltzaileei eskaintzen dien arreta integrala hobetzea.

Zentroak 67 gela ditu egun eta 144 izango ditu etorkizunean, gehienak banako erabilerako. Gainera, bertan dauden pazienteentzako errehabilitazio-unitate berri bat eraikiko da, kirurgia-blokerako instalazioak eta kafetegi berri bat, eta lurpeko 180 ibilgailurentzako aparkalekua egingo da. Gainera, kanpo-kontsulten eremua berritu eta zabalduko da eta energia aurrezteko nahiz energia eraginkorreko sistemak ezarriko dira.