Bileran ere parte hartu dute Barneko zuzendari nagusi Francisco José Fernández Elizalde-k eta DGTren trafiko-istripuen biktimen alorreko Koordinazio Unitateko buru Mª José Rodriguez de Armenta-k.

Bileran Morrás kontseilariak eta Seguí zuzendari nagusiak adostu dute, alde batetik, esku-hartze integraleko prozedura bat sortzea, eta bestetik, jarduteko proiektu pilotu bat ezartzea, biktimak dauden trafiko-istripuen kasuetan Espainiako gainerako lekuetarako erreferentzia izango dena.

Horretarako, erakundeen arteko akordio bat sinatzea proposatu da Foru Komunitatean jarduten duten administrazioen artean biktimak dauden trafiko-istripu bat gertatzen denean. Administrazio horiek dira: Nafarroako Gobernua, Lehendakaritzako, Justiziako eta Barneko eta Osasuneko departamentuen bidez; Justizia Departamentua; eta Nafarroako Gobernuaren mende dauden zerbitzuak.

Akordio hori honako honetan oinarritzen da: parte har dezaketen administrazioaren zerbitzu eta unitateak asko diren trafiko-istripu baten aurrean (biktimekin), beharrezkoa da istripuaren eta haren ondorioen kudeaketa integrala egitea. Ez soilik hasierako jarduera materialetik (suhiltzaileak, trafikoko polizia, osasun-arreta…), baita ondoren ere (biktimei laguntza psikologikoa, juridikoa eta abar eskainiz).