Nafarroako Gobernuak Itun Ekonomikoaren legezkotasuna defendatuko du UPyD-k iragarritako salaketaren aurrean, eta bere defentsa gaur egin den saioan aztertutako txosten juridikoan oinarrituko du; bertan gogorra ekartzen da Itun Ekonomikoaren eta haren batzorde koordinatzailearen esparruan Foru Komunitateak eta Estatuak hartuko dituzten akordioen izaera adostua eta aldaezina.

Iragan maiatzean lortutako azken akordioaren gainean (BEZaren doikuntza-sistema aldatzen zuena) UPyD alderdi politikoak egindako salaketaren ondorioz eskatutako txostena, irmoa da Itun Ekonomikoa Nafarroaren zati dela defendatzeko orduan, "Konstituzioak bermatutako foru-erregimenari atxikitako ezaugarri funtsezkoa da", eta "alde bateko arau adostu eta aldaezina".

Alde horretatik, txosten juridikoak gogora ekartzen du Itun Ekonomikoa "Nafarroa eta Estatuko zerga-sistemen arteko antolaketa-araua dela", eta "Estatuko karga orokorrei Nafarroak egindako ekarpenak finkatzen dituena eta Nafarroa nahiz Estatuaren eskumenak mugatzen dituena". "Itun Ekonomikoan Nafarroak Espainiako herri guztiekiko duen elkartasuna adierazten da", gaineratzen da.

Gogoratuko denez, iragan maiatzaren 7an Nafarroa eta Estatuaren arteko Itun Ekonomikoaren batzorde koordinatzaileko ordezkariek metodoaren aldaketa bat sinatu zuten 2010-2014 bost urtean Balio Erantsiaren gaineko Zerga (BEZ) diru-bilketaren doikuntza eraginkorra egiteko, Itun horren esparruan. Aldaketa hori egiten zen Nafarroako Volkswagen enpresak esportatzen dituen ibilgailuak merkaturatzeko sistema berriaren ondorioa orekatzeko; izan ere, 1994tik lan egiten zuen era aldatu du Taldeko gainerako guztiek zuten lan-erari egokitzeko. Aldaketak hitzartzen zuen bi administrazioek, Nafarroakoak eta Estatukoak, bere gain hartzen duten ondorio fiskala malgutzea.