Sektore ekonomikoetan, langabezia banatu da zerbitzuen sektorearen (639 langabe gehiago); industriaren (355 langabe gehiago) eta lehen sektorearen artean (301 langabe gehiago). Eraikuntza-sektorean gutxiago igo da, 24 pertsona gehiago dago lanik gabe, eta aurreko enplegurik gabeko kolektiboan, berriz, 3 pertsona gutxiago dago lanik gabe.

Azpisektore ekonomikoetan, nabarmendu behar da, alde batetik, 189 langabe gehiago dagoela elikaduraren industrian nekazaritza-produktuak transformatzeko kanpaina amaitu delako (Nafarroa hegoaldean hilabete honetan izandako langabeziaren igoera azaltzen du), eta bestetik, enpleguari lotutako jardueretan lanik gabe dagoen 215 pertsonak. Honako alor hauetan izandako igoera ere azpimarratu behar da: Administrazio Publikoan (49 pertsona), osasun-jardueretan (24 pertsona), posta-zerbitzuetan (31 pertsona) edo bizitoki-establezimenduetan emandako laguntzan (53 pertsona). Aitzitik, hezkuntzan 86 pertsona gutxiago dago lanik gabe ordezkapen-kontratuak direla eta.

Industria-sektorearen barnean langabeziak gora egin du metalaren sektoreari lotutako industrietan batez ere, bai eta makinariaren fabrikazioan eta garraioko beste material baten fabrikazioan ere. Zerbitzuen sektorean udako kanpainaren amaiera oraindik nabari da txikizkako merkataritzan nahiz ostalaritzan eta ostatuko zerbitzuetan.

Sexuaren arabera, 25.794 emakume zegoen lanik gabe, %1,38 igoerarekin (351 emakume) eta 25.199 gizon, % 3,98 gehiago (965 gizon) aurreko hilabetearekin alderatuz. Adinaren arabera, 128 gizon 25 urtetik beherakoak izan dira eta 837 25 urtetik gorakoak hilabete horretan langabezia-zerrenda gizendu dituztenak. 25 urtetik beherako emakumeen artean 64 langabe gehiago izan da eta 287 gehiago 25 urtetik gorakoen artean.

Adin-taldeen arabera, langabeziak 25 urtetik beherakoen artean igo da bereziki, % 3,60 igo da (192 gazte gehiago), eta 5.524 gazte dago lanik gabe (2.478 emakume eta 3.046 gizon). 25 urtetik gorakoen artean, langabeziak % 2,53 egin du gora aurreko hilabetearekin alderatuz (1.124 pertsona), eta tarte horretan 45.469 pertsona dago lanik gabe (23.029 emakume eta 21.316 gizon).

Kontratazioa

Urrian izandako 20.399 kontratuetatik, 1.562 (% 7,66) mugagabeak izan dira eta 18.704 aldi baterako. Gainerako 133 kontratuak prestakuntzako kontratuak izan dira. Hala, aurreko hilabetearekin alderatuz, 392 kontratazio mugagabe gehiago izan da, aldi baterako 1.275 kontratu gehiago eta prestakuntza-kontratuak 33 gutxiago egin dira.

Sexuaren arabera, 11.165 emakumek (aurreko hilabetean baino 1.653 gehiago) eta 9.234 gizonek (irailean baino 24 gutxiago) sinatu dute kontratu bat. Adin-taldeen arabera, kontratazioa honako era honetan banatu da: 25 urtez azpiko 3.584 kontratuetan (aurreko hilabetean baino 66 gehiago), 25 eta 44 urte arteko langileek sinatutako 12.624 kontratuetan (irailean baino 988 gehiago) eta 45 urtetik gorako pertsonek sinatutako 4.191 kontratuetan (575 kontratazio gehiago egin dira).

Jarduera-sektoreen arabera, kontratazioak gora egin zuen: zerbitzuetan (17.120 kontratu, irailean baino 2.242 gehiago) eta eraikuntzan (892 kontratu, aurreko hilabetean baino 104 gehiago). Aitzitik, industrian kontratazio gutxiago izan da (1.790 kontratu), 340 gutxiago, eta baita nekazaritzan ere (irailean 597 kontratu sinatu ziren lehen sektorean, abuztuan baino 377 gutxiago).