Bruselako Ordezkaritzak bi langile ditu -María Lozano Úriz ordezkaria eta idazkari bat- eta 2012. urterako 276.791 euroko aurrekontua du; kopuru horretatik 139.065 euro funtzionamendu eta alokairuko gastuei dagokie eta 128.726 langileen gastuei.

Kanpo Arazoetako Ministerioak aurten autonomia erkidegoei beren erkidegoetako bulegoak enbaxadetan sartzeko aukera eskaini die. Orain arte, gonbidapen horri baietza eman die, Nafarroaz gain, Errioxak, Gaztela Leonek, Valentziako Komunitateak eta Galiziak.

Ordezkaritzak ordezkaritza-lanak garatzen ditu, Nafarroa eta beste eragile batzuen arteko solaskide moduan (Europako erakundeak, Espainiako Ordezkaritza Iraunkorra EBaren aurrean, gainerako eskualde europarrak, Europako think-tank nagusiak). Informazio eta harreman publikoen zeregina ere egiten du, Foru Komunitatearen irudia sustatuz.

Gainera, Ordezkaritzatik eragile eta interes nafarren aldeko aholkularitza eta kudeaketa egiten da, Europako proiektuen, lizitazioen, bazkide-bilaketen eta aukeren jarraipena burutuz, Nafarroako Gobernuaren Ekonomia eta Nazioarteko Politikaren Zuzendaritza Nagusiaren laguntza estuarekin.

Nafarroako Ordezkaritza Espainiako ordezkaritzaren zati da eta autonomia erkidegoen ordezkari da Europar Batasuneko lau Ministroen kontseilutan. 2012ko lehen seihilekoan Hezkuntza eta Kulturako kontseiluetan izan zen, buruzagitza danimarkarraren pean. Urteko bigarren erdian, buruzagitza zipretarraren pean, Nekazaritza –garrantzitsua etorkizuneko Nekazaritzako Politika Bateratuaren negoziaketari dagokion guztian– eta Enplegu eta Gizarte Gaien eta Gazteriako kontseiluetan parte hartzen du.

Nafarroak kontseilu horietan parte hartzen du estatuko ordezkaritzaren barnean; izan ere, parte-hartzea onartzen zaie (bakarrik) egitura federala edo ia federala duten herrialdeetako eskualdeetarako, Alemania, Belgika edo Espainia, esaterako.

Bestalde, Bulegoak Nafarroaren ordezkari izaten jarraitzen du Foru Komunitatea aspalditik dagoen Europako eskualdeen sare nagusietan: Periferiako eta Itsasaldeko Eskualdeen Konferentzian (CRPM), 2004tik Energia eta Klimaren lan-taldearen buru da eta I+G+Bko lan-taldean era aktiboan parte hartzen duen; Europako Muga Eskualdeen Elkartean (ARFE), Nafarroa bertako batzorde betearazlean dago; Ikerketa eta Berrikuntzarako Europako Eskualdeen sarean (ERRIN), Nafarroa Bioteknologiako taldearen buru da eta oso presente dago Ikerketaren Etorkizunari, Energiari eta Berrikuntzaren Finantzaketari buruzko taldeetan; Pirinioetan Lan Elkartearekin elkarlanean ari da eta biurteko honetan Foru Komunitateak du buruzagitza.

Madrilgo Ordezkaritza kentzea eta Bruselako Ordezkaritzaren bulegoa Kanpo Arazoetako Ministerioaren egoitzara aldatzea Gobernuak legealdi honetan hartutako argaltzeko zortzigarren neurria da.

Zehazki, 2011ko foru-hauteskundeen ondoren, Foru Gobernu berriak uztailaren 18an erabaki zuen goi-karguen eta konfiantzazko postuen % 23,7 kentzea, oinarrizko egituraren onarpena dela eta (organigramak, zuzendaritza nagusiaren mailarekin), 900.000 euro inguru aurreztuz. Hilabete bat geroago gutxi gorabehera, abuztuaren 24an egitura organikoa onartu zuenean (zuzendaritza nagusien zerbitzuak eta atalak garatzen ditu), buruzagitzen % 8,24 kentzea erabaki zuen langileen gastuan urtean, guztira, 2 milioi euro baino gehiago murriztuz.

Era berean eta Nafarroako Gobernuaren birmoldaketa dela eta UPN-PSN ituna hautsi ondoren, iragan uztailaren 2an oinarrizko egitura berrikusi zen eta Foru Administraziotik zuzendaritza nagusi bat eta hiru erakunde kentzea erabaki zen. Gainera, uztailaren 18an, GobernuakOsasun Departamentuaren egitura % 5,75 kentzea erabaki zuen, administrazioko 12 unitate kenduz eta urtean 308.500 euro aurreztuz; eta uztailaren 25ean, egitura organikoa garatuz, administrazioko lau unitate kentzea zerbitzu-milarekin Ekonomia, Lehendakaritza eta Gizarte Politiken departamentuen berregituraketan.

Iragan urriaren 10ean, Hezkuntza Departamentuan administrazioko bost unitate murriztu ziren atal-mailarekin, 200.000 euro baino gehiago aurreztuz; eta astebete geroago, urriaren 17an, urtean 50.000 euro aurreztea erabaki zen Gizarte Politiken Departamentuaren egitura berraztertuta.