Proiektuak

Nafarroako Osasun Eskola Tekniko Profesionala zentro integratuak aurkezten diren 26 ekimenetatik seitan parte hartzen du: `enpresa LH´, bere inguruko enpresekin harreman egonkorrak eta epe luzera begira garatu nahi dituenak; `Ospitale birtuala´, benetako ospitale-eredu batean oinarritutako tresna didaktiko bat sortzea bilatzen duena; `Urteako kutsatzaile organikoak erabakitzea´, uren kutsatzaileei buruz metodologiak inplementatu eta baliozkotzeko; `Beti LH´ LHko zentroetarako eta haien enpresa-ingurunerako berrikuntza-sistema bat; `Share Biotech´, espazio atlantikoan bioteknologia-sektorea indartzea bilatzen duena; eta `Osasunean inbertitzen dut, nire nutrizioa aztertzen dut´, elikagai-ohitura, jarduera fisiko eta osasun-aurrekarien inguruko inkestak diseinatzean datzana.

Donapea LHIk `Monitorizatutako domotika-sistema zabal baten diseinua´ izeneko proiektuan parte hartzen du, domotika-sistemak berritzea bilatzen duena malgutasun, birkonfigurazio eta aldakortasuneko aukeretan sakontzeko; eta Tafalla LHIak `Alderantzizko teknologia eta piezen prototipadoak´ proiektuan parte hartzen du, eta azken horren helburua da, alderantzizko teknologia eta piezen prototipadoa Fabrikazio Mekanikoko lanbide-familiako prestakuntza-zikloen edukietan sartzea.

Burlatako Ibaialde BHIak `Identitate digitala. Enplegu-mailaren oinarrizko elementua. Marka pertsonalak Interneten´ proiektua aurkeztuko du. Proiektu horretan ikertzen da nola hezkuntzako gizarte-sareek eta 2.0 web-eko tresnek LHko ikasleei lagun diezaieketen beren biografia digitala osatzen beren enplegu-maila handitze aldera, kasu horretan zerbitzuen sektorean eta, zehatzago, sukaldaritza-sektorean.

Aldiz, Tuterako ETIak informatika-tresnei lotutako bi proiektu garatu ditu. Lehenengoak`LH cloud. Mugarik gabeko LH´ du izena eta haren helburua `cloud computing´(hodeia) bat ezagutzera ematea eta osatzea da ematen dituzten edukien jasotzea era unibertsalean errazteko; eta bigarrenaren izena `Informatika-tresnak telematikako kontrolerako eta simulagailu telematikoetarako´ da, Internet erabiliz zerbitzari-bezero egituran oinarritutako sistema telamatiko bat diseinatu eta eraiki duena.

Imarkoain energia berriztagarrien goi zentro integratuak beste hiru proiektutan parte hartzen du: `Talde didaktikoa tenperatura baxuko eguzki-instalazio termikoak monitorizatu eta aztertzeko`, eta talde didaktiko bat sortzea bilatzen duena tenperatuta baxuko eguzki-instalazio termikoak monitorizatu eta aztertzeko; `Eraikitzen ari diren energia berriztagarrien hibridazioa´-ren helburua enpresa berriak abian jartzen laguntzea da eta sektorean dauden enpresei laguntza ematea; eta `Ekintzailetza LHko zentroetan` proiektuak ekintzailetza eta berrikuntza sustatzea du xede.

Bestalde, Iruñeko San Juan BHIak egurraren eta altzariaren sektoreari lotutako bi ekimenetan parte hartzen du: haietako bat, `Egur-espezietarako araudiaren sorrera eta espezialistak prestatzea egurraren bereizaraztean eta merkaturatzean´ ekimenari buruzkoa da; bestea, enpresa simulatzeko programa elkarreragile bat sortzeari buruzkoa, honako honetan oinarritzen dena: produktuaren diseinuan, baliabideen kudeaketan eta kontrol numerikoko makinen programazioan.

Virgen del Camino LHIa ere beste bi proiektutan dago: `Identitate digitala. Enplegu-mailarako oinarrizko elementua. Internekko marka pertsonalak´ industria-sektorean enplegu-maila hobetzeko dena; eta `Liburu elektronikoa lan-tresna moduan. Edukien diseinua eta lanketa ikasgelan aplikatzeko´; azken horren helburua beharrezko informazioa sortzea da formatu digitalean Ibilgailuen Garraio eta Mantentze-lanaren familia profesionalaren prestakuntza-zikloak emateko.

Iruñeko Gizarte Egokitzapenerako BHIak bi ekimenetan esku hartzen du. Lehenengoak `Animalia zurekin´ du izena eta pertsonentzako arretaren tresna terapeutikoak berritu nahi ditu. Bigarrenak `Lagun iezadazu´du izena eta zentroko ikasleak mugiarazten dituen aisialdi inklusiboari buruzko proiektua da, Hasierako Lanbide Kualifikazioko Programak (PCPI) ikasten ari diren ikaslea bereziki.

Lizarrako LHIak `Industriako hotzaren eskola. Industriako hotza LHko eskoletan profesionalki eta seguru integratzeko lehen urratsak –hotz industrialeko ganberak amoniakoarekin´ proiektua aurkeztuko du. Berokuntza, hozketa eta hotz industrialarekin lotutako ikasketak ematen dituzten LHko zentroetan amoniakoaren erabilera sartu nahi du hozgarri gisa.

Aldiz, Azkoiengo Ribera del Arga BHIak bi proiektutan parte hartzen du: `Mekatronika aurreratua´, dokumentazio didaktikoa garatu nahi duena eta praktikak sortu nahi dituena Automatizazioan eta Robotikan eta Mekatonika industrialean sortuko diren zikloen eskaerak betetzeko; eta `Robotizatutako zelula´ gauza bera bilatzen duena robotika industrialaren sektorearen inguruan sare industrialeko eskaerak betetzeko.

Azkenik, Iruñeko Basonekazaritzako CIak beste bi ekimenetan esku hartzen du: `Linkford. Basoek konektatuta´ ekimenaren helburua natur inguruneari loturako zikloak ematen dituen prestakuntza-zentroez osatutako sarea sortzea da; eta `Mamitisa hautematea esnearen eroanbide elektrikoaren neurketa bidez´ ekimenaren xedea `esnearen eroanbide elektrikoaren erregistroa´ metodoaren baliozkotasuna ezartzea da jezteko prozesuan zehar mamitisa duten animaliak identifikatzeko.