"Esker txarreko murrizketa mingarriak", baina "nahitaezkoak aurrerabidearen eta ongizatearen maila errekuperatzeko"

Barcina Lehendakariak gizarteak egun bizi duen krisiaren egoeraren berri ere eman du, "zaila eta konplexutzat" jo duena. Lehendakariaren hitzetan, "ekintzak eta zerbitzuak nabarmen murriztu behar izan ditugu, era nabarmen horretan ere murriztu baitira herritarrek eta enpresek Foru Ogasunari egindako diru-sarrerak, gobernu-lana egikaritzeko dugun funtsezko baliabideak direnak".

Alde horretatik, azaldu du "jarduera-arlo ia guztietan aplikatutako murrizketak eta mozketak agintari orok egin nahi duenaren aurka doala prestazio publikoak finkatzeko eta haien maila hobetzeko; beraz, haien aplikazioa esker txarrekoa eta mingarria suertatzen ari da; baina Europako nahiz Espainiako agintariek adierazten dizkiguten defizit-helburuak betetzeko erabat nahitaezkoa da, eta ezin dugu saihestu. Gure komunitatea zulora eramango lukeen egundoko arduragabekeriak bakarrik ez lieke kasurik egingo irizpide horiek betearazteari".

"Aplikatzen ari garen zorroztasunak eta hersturak –azpimarratu du Lehendakariak–, utziko digu soilik gure aurrean zabaltzen ari den ekonomiaren ikuspegi berrian aurrera egingo duten ideiak eta proiektuak sustatzen. Bide horretan aurrera egiteko buru-belarri ari gara lanean aberastasuna eta lanpostuak sortzeko eta era horretan, guztion ahaleginarekin, gure gizarteak lortu zuen aurrerabide eta ongizatearen mailak errekuperatzea".

Konfiantza etorkizunean

Barcina Lehendakariak bere agerraldia jarraitu du etorkizunaren aldeko apustua eginez; "izan ere, eragozpen larri horiek sentitzen baditugu ere, konfiantzari eutsi behar diogu gure errealitatean bertan, gure historia guztiko belaunaldia prestatuena den gazteenganako konfiantza, konfiantza gure enpresetan, unibertsitateetan, ikerketan eta gizarte guztian".

Barcinak ere oroitzapen berezia izan du "lan bila dabiltzan baina topatzen ez duten pertsonekiko, erakundeetan egiten dugunaren helburu nagusi direnak. Gure ekintzen helburu dira eta izango dira eta ziur nago laster guztiok partekatutako bultzadak baldintza egokiak sortuko dituela gero eta lan, hazkuntza ekonomiko eta ongizate gehiago egon dadin".

Foru Komunitatetik at dauden nafarrentzako aitortza

Barcina Lehendakariak bere agerraldia amaitu du Foru Komunitatetik at dauden nafarrak agurtuz, "beste eskualde nahiz herrialde batzuetan bizi eta lan egiten dutenak, baina gure komunitatekoak direla oso barrenean sentitzen dutenak. Xabierko San Frantzisko gure zaindariak bezala, behar gehien duten herrialdeetan laguntzen ari direnak agurtuz, gosea, pobrezia, gaixotasuna eta injustizia dagoen lekuetan lanean ari direnak, eta gaitz horien guztien aurka lehen lerroan borrokan dabiltzanak, misiolari, borondatezko lankide edo boluntario moduan".

Alde horretatik, gogoan izan ditu ere, "azken urteotan gure gizartean barneratu diren munduko beste herrialde batzuetako herritar asko, gure gizartea zabalduz eta aberastuz, lan eginez, bizitzaren alderdi guztiak gurekin partekatuz, eta horregatik jada gu bezala nafarrak direnak".

"Guztiok elkarrekin –amaitu du Lehendakariak– Nafarroaren zati garela sentitzen dugu. Hori dela eta, gaurko jardunaldia guztion asmo komuna lasaitasunez partekatzeko ordua da Nafarroa hobeago bat eraikitzeko lanean jarraitu ahal izateko".