Lehen lehendakariorde eta Ekonomia, Ogasun, Industria eta Enpleguko kontseilari Lourdes Goicoecheak berretsi egin du gaur Nafarroako Gobernua urte amaieran % 1,5eko defizitaren helburua betetzeko ahalegin guztiak egiten ari dela, Ogasun eta Administrazio Publikoen Ministroak gaur aurkeztu dituen Autonomia Erkidegoen 2012ko hirugarren hiruhileko aurrekontuen exekuzio-datuak ezagutu ondoren.

Ministeriotik azaldu dutenez, Foru Komunitatearen sistema fiskalak dituen bereizgarrien eta Nafarroak berezko dituen diru-sarreren, gastuen eta itzulketen egutegiaren ondorioz, gainerako autonomia-erkidegoekiko konparaketa homogeneoa ez izatea eta urte amaiera hurbildu ahala desberdin aldatzea eragiten dute. Goicoecheak gogora ekarri du urtean zehar datuak izandako bilakaera jakitea garrantzitsua dela joera ezagutzeko, baina hiruhileko bakoitzeko emaitzek ez dutela adierazten aurrekontuaren saldoren portaera urte amaierako kontabilitate nazionalari dagokionez. Ildo horretan adierazi du gaur ezagututako datua Nafarroako Gobernuak hirugarren hiruhileko honetarako dituen aurreikuspenetara hurbiltzen dela eta urtea ixtean % 1,5eko defizitaren helburua betetzea aurreikusten jarraitzen dutela.

Gainera, kontseilariak esan du ona dela Ministerioak joan den irailean Nafarroak egindako eskaera aintzat hartzea eta, hala, Foru Komunitatearen datuak desberdin azaldu eta tratatzea eta, horrekin batera, Nafarroa defizitaren helburua betetzeko bidean dela argitzea.