Probak idatziko zatiaz eta ahozko beste batez osatuta izango dira. Emandako balorazioa 1etik 5erako izango da, zatikapenik gabe, erakutsitako ezagutzen arabera. Bost maila horiek Europako erreferentzia-markoaren A1, A2, B1, B2 eta C1 mailen baliokideak dira. Proba gainditzen duten enplegatu publikoen ziurtagiria jasoko dute, lau urteko baliotasunarekin, hizkuntz horretarako gainditutako maila egiaztatzen duena.

Urte guztietan Nafarroako Gobernuak bi matrikula-epe zabaltzen ditu egiaztatzeko proba-mota horietarako. Izena emateko epea zabalik duten azterketak goizez egingo dira 2013ko urtarrilean. Aldiz, hurrengo deialdia datorren udaberri amaierako aurreikusita dago, arratsaldeko ordutegian.

Nafarroako Administrazio Publikoko Institutuak (NAPI) egiaztatze-proba horiek antolatzen ditu lekualdatze-lehiaketetan merezimendu edo gaikuntza gisa azaltzen den Nafarroako Gobernuko enplegatuen hizkuntz ezagutza baloratzeko helburuarekin.

Gainera, NAPIak ere kanpo-erakundeek, toki-erakundeak esaterako (mankomunitateak, udalak), proposatutako hizkuntzen balorazio-eskaerei erantzuten diete, eta Foru Komunitateko Administrazioaren hautaketa-epaimahaiek eta haren erakunde autonomoek proposatutakoak