Miguel Indurain txirrindulari ohia buru den epaimahaiak ondorengoa baloratu zuen:" Emakume horren nekaezintasun, altruismo, gaitasun eta lanaren balioak herritarrak eta turistak mugiarazteko zentroa mantentzeko, bai eta hartutako adingabeei pobreziatik irteteko nahia transmititzeko gaitasuna ere".

Ekitaldian parte hartu dute: Lehendakaritzako, Justiziako eta Barneko kontseilari Javier Morrásek eta Gizarte Politiken kontseilari Iñigo Allik; Nafarroako Parlamentuko lehendakari Alberto Catalánek; Euskadiko Kutxako lehendakari Txomin Garcíak; finantza-erakundeko eskualdeko zuzendari Javier Cortajarenak; eta epaimahaiko beste zenbait kidek. Mama Tunzak parte hartzen duen lehen ekitaldi publikoa da Nafarroara egindako bisitan. Astearte honetan Zizur Nagusiko BHIko ikasleekin elkartuko da eta hitzaldi bat eskainiko du Iruñean.

Bihar, asteartea, Dimina Khasiala-k Zizur Nagusiko BHIa bisitatuko du, bertako ikasleekin elkartuko da, eta Gizarte Politiken kontseilari Iñigo Allik lagunduko dio.

Zizur Nagusiko BHIak Eskola Solidarioen proiektuan parte hartzen du. Proiektu hori GGKEak eta Hezkuntza eta Gizarte Politiken departamentuek sustatzen dute irakasleak prestatzeko eta aholkularitza emateko garapenerako hezkuntzari lotutako gaietan, haiek ondoren ikasleak sentsibiliza ditzaten lankidetza- eta garapenerako laguntza-gaietan. Zentroak Espainiako Garapenerako Nazioarteko Lankidetza Agentziak (AECID) emandako Vicente Ferrer Saria jaso du aurten, beren ikasgeletan garatutako sentsibilizazio-programagatik.

Bestalde, Iruñean dagoela baliatuz, `Afrikako Emakumeak: bizitzarako estrategien sortzaile´ izeneko hitzaldia antolatu da, eta 18:30ean izango da Kulturako, Turismoko eta Erakunde Harremanetako Departamentuaren egoitzan (Navarreria kalea, 39).

Bertan `Mama Tunza´ berak esku hartuko du eta bere esperientzia pertsonala kontatuko du. Genero-gaietan aditua den Remei Sipi ginearrak, berriz, Afrikako emakumeen egoeraren testuinguruaren berri emango du eta kontinentearen garapenean zer ekarpen egin duten.

Herritar ororentzat libre izango den hitzaldia Euskadiko Kutxako lurralde-zuzendari Javier Cortajarenak eta Pertsonen Garapenerako eta Gizarteratzeko Arreta Zerbitzuaren zuzendari Andres Carbonerok aurkeztuko dute.

Ekimena 1997an sortu zen. Orduan Mama Tunza, lanetik etxera itzultzen ari zela, haurtxo bat aurkitu zuen edukiontzi batean utzita. Bere etxera eraman zuen, sendatu eta polizia-etxe batera eraman zuen, baina han ez zuten haren ardura hartu nahi izan. Handik egun gutxira, gizon zahar bat joan zitzaion aurkitu zuen beste haurtxo batekin eta, geroago, emakume bat bere etxera erditzera joan zena eta erditutako haurtxoa bera bertan utzi zuena, GIB birusarekin kutsatutakoa.

Horren ondorioz, emakume analfabeto horrek lagunen, senideen eta bizilagunen laguntzarekin barrakoi batzuk eraikitzea erabaki zuen, eta handik 300 umezurtz pasa dira.

Txikienak zaharragoak direnek zaintzen dituzte beren aisialdian eta zaharrenak Mama Tunzak berak. Promundi 3, Ecowildlife Travel eta Kobo Safaris GGKEak aurkeztutako hautagaitzak jasotzen duenez, Mama Tunzak "pertsona zintzoak" izan daitezen nahi du eta, horregatik, eskolaren doakotasuna amaitzen zaienean, Nairobiko turismo-enpresetara jotzen du haiek matrikula bakoitzak balio duen 300 dolarren kargu egin daitezen.

Zentroak ez du oraindik argindarrik eta edateko urik. Sariaren dirua beren instalazioak egokitzeko inbertituko da umezurtz gehiago hartzeko, haien ikasketak ordaintzeko eta haragia nahiz arrain apur bat erosteko haurrek denetariko dieta izan dezaten, beren ohiko dieta osatzen duten arroz eta barazkien zopaz gain.

Sariak gizartea kontzientzia eta sentsibilizatzea bilatzen du, herrialde nahiz herri pobretako gizarte-sektore ahulenen aldeko borondatezko lan solidarioak zer garrantzi duen jabe dadin

Aurreko edizioetan sari horixe bera jaso dute: Manuel Elkin Patarroyo zientifikoak (2011), Creative Handicrafts GKEak(2010), Aguaricoko Bikariotza Apostolikoak (2009), Mama Samateh Saidy eta Wassu Gambia Kafo GKEak (2008), San Joan Jainkoarenaren anaiak (2007), Fedea eta Poza mugimenduak (2006), UNASO erakundeak (2005), Errefuxiatuentzako Jesuiten Zerbitzuak (2004), Karitatearen Misiolarien Ahizpak (2003) eta Muhhamad Yunnus-ek (2002).