Nafarroako Lehendakari Yolanda Barcinak eta lehen lehendakariorde eta Ekonomia eta Ogasun, Industria eta Enplegu kontseilari Lourdes Goicoecheak bidaia instituzionala egin dute Volkswagen taldeko egoitza nagusira multinazional alemaneko arduradun nagusiekin biltzeko gaur.

Yolanda Barcinak eta Lourdes Goicoecheak lan-bikura izan dute Wolfsburg-en Volkswagen AGko Partzuergoko Batzorde Exekutiboko kide Francisco Javier García Sanz-ekin eta VW markako Batzorde Exekutiboko kide eta Ekoizpen nahiz Logistika arloko arduradun Hubert Walti-rekin. Bilkura parte hartu du, halaber, Nafarroako fabrikako zuzendari nagusi eta Batzorde Exekutiboko lehendakari Patrick Danau-k.

2012an automobilgintza-partzuergoaren eta Nafarroako bere fabrikaren emaitza onak aztertu ondoren, multinazional alemaneko arduradunak beren kezka agertu dute 2013an Polo modeloaren salmenta-aurreikuspenengatik; izan ere, beraien hiru merkatu nagusiak (Alemania, Italia eta Frantzia) ekitaldi horretan beraien hazkunde ekonomikoa moteldu edo txikitu egingo den herrialdetan daude.

Francisco Javier García Sanz-ek eta Hubert Walti-k nabarmendu dute Landabengo fabrika Wolkswagen Partzuergoaren "erreferentzietako bat" izaten jarraituko duela eta azpimarratu dute "beharrezkoa dela etorkizunean pentsatzea eta bermatzea sektorearen bilakaeraren arabera", Espainiako beste lantegi aipagarri batzuen adibideen ildotik, Bartzelonako Seat, Valladolideko Renault eta Valentziako Ford, esaterako.

Barcina Lehendakariak eta Goicoechea lehendakariordeak Nafarroako Volkswagen-en lantegian egin beharreko modelo berri baten ekoizpena defendatu dute, eta Foru Komunitatean kokatutako enpresa hornitzaileen kopurua handitzeko aukeraz interesa agertu dute.

1. argazki-oina (ezkerretik eskuinera): Nafarroako VW-eko zuzendari nagusi Patrick Danau; Goicoechea lehendakariordea; Barcina Lehendakaria; eta Wolfsburg-eko fabrikako zuzendari nagusi Siegfried Fiebig.