Gemma Botín Cociña orain arteko Nafarroako Menpekotasunerako Agentziaren zuzendari-gerente kargua hartu du, hemendik aurrera Nafarroako Pertsonen Autonomiarako Agentzia izena izango duena.

Gema Botínen izendapena Nafarroako Aldizkari Ofizialean argitaratu zen astearte honetan, abenduak 18, eta Gizarte Politiken kontseilari Iñigo Allik proposatu zuen.

Agentzia Gizarte Politika eta Kontsumoko Zuzendaritza Nagusiarena den erakunde autonomoa da. Nafarroako Menpekotasunerako Agentziaren izendapena 2007. urtean eman zitzaion, menpekotasun-egoerako pertsonentzat Autonomia Pertsonala eta Arreta Sustatzeko Legea eta Gizarte Zerbitzuen Foru Legea abian jarri eta handik pixka batera, "menpekotasun, ezintasun, adin nagusi eta buru-nahasmendu larriko esparruko gizarte-prestazioak kudeatzeko organo moduan" erantzuteko.

Gizarte Politiken Departamentuak ulertu du pasatako denborak agerian jarri duela "menpekotasun-egoeran dauden pertsonentzako arreta-politiken ikuspegia eta helburua aldatzeko beharra, ikuspegi nahiz helburu hori haien autonomia pertsonala lortzen oinarrituz"; beraz, "errealitate horri" egokitu zaio eta izendapena baldintza horietan adierazi da.

Gemma Botín Cociña (Iruñea, 1966), ezkonduta eta hiru seme-alabekin, Pedagogian lizentziatua da Nafarroako Unibertsitatean eta gaur arte Iberon dagoen Isterria Hezkuntza Bereziko Zentroko zuzendari-gerente izan da.

Prestakuntza honako era honetan osatu du: `Gizartean esku-hartzeko etika aplikatua´-n espezializazioa-masterra; ikastaroekin eta hezkuntza bereziari lotutako gaiei buruzko kongresu nahiz jardunaldietara joanez (orientazioa, komunikazioa, psikomotrizitatea, antolaketa kurrikularra, autismoa, Down sindromea, ikerketa adimen-urritasunean…); eta, azken urteotan, zuzendaritzako trebetasunekin (zentroen zuzendaritza eta antolaketa, lan-taldeen zuzendaritza, lidergoa, lan-taldea, langileen hautaketa, lanaren ebaluazioa eta kalitatearen kudeaketa).

2007. urtetik Isterria zentroaren gerentzian egiten du lan (zuzendaritza, kontrol ekonomikoa eta finantza-kontrola, giza baliabideak, kalitatezko politika eta etengabeko hobekuntza). 1998tik 2001a arte hezkuntza bereziko irakaslea izan zen (1994tik Iberon). 2001 eta 2007 artean zuzendaritza pedagogikoaz arduratu zen eta zentro horretako zerbitzu ezberdinez (ikastetxea, egoitza eta lan-prestakuntzako programa).