Nafarroako Gobernuak gaitzetsi egin du lehen lehendakariorde eta Ekonomia, Ogasuna, Industria eta Enplegu kontseilari Lourdes Goicoechearen Olaztiko familiaren etxebizitzaren aurka iragan larunbatean egindako erasoa.

Etxebizitzako fatxadan pintura-talkak, itu bat eta "Errauskailua ez" eta "Barcina, Goicoechea, Sánchez de Muniáin noizbait garesti aterako zaizue" esaldiak idatzita zeuden.

Foru Gobernuak iritzi du gertakari horiek "kargu publikoen eta haien senideen aurkako bortxa onartezinak direla". Gainera, "Sakanan suspertze ekonomikoaren eta enpleguaren alde hartutako konpromisoa berresten du, egoera ekonomikoak bereziki zigortu duen ingurua".

Azkenik, Nafarroako Gobernuak iragan astean Gobernu Ordezkaritzarekin abiatutako plana berretsi du, hau da, mehatxuak, talde terroristei gorazarre egitea eta biktimak iraintzen dituzten pintada guztiak kentzea.