Nafarroako Gobernuak gaurko bilkuran erabaki du ezkutuko ekonomia eta enpleguaren aurkako erakundeen arteko planean jasotako informazioa trukatzeko hiru neurri garatzea. Plan hori 2013ko abenduaren 10ean izenpetu zen Gobernu zentralarekin, Nafarroako Enpresarien Konfederazioarekin eta UGT eta CCOO sindikatuekin.

Neurriak –aurreikusitako seietatik hiru– aitortu gabeko jarduera ekonomikoak hautemateko bideratuta daude lurraldeko (Estatukoa, autonomikoa eta tokikoa) eta esparruko (ekonomikoa, lanekoa, fiskala eta soziala) arrazoien eskumen-arlo ezberdinen arteko informazio-truke handiagoaren bidez

Lehenik eta begin, Gobernuak hitzarmen bat sinatuko du Laneko eta Gizarte Segurantzako Ikuskatzailetzarekin, eta bertan trukerako xede eta zerga-mailan garrantzia duten jarduerak nahiz datuak zehaztuko ditu. Elkarlana bideratuko da bereziki, arlo fiskalean eta Gizarte Segurantzan sarriago adierazten diren iruzur-jokabideak izateko enpresa-mota susmagarriak identifikatze aldera.

Gobernuak ere toki-erakundeekin hitzarmenak sinatuko ditu, Nafarroako Udal eta Kontzejuen Federazioaren bultzadarekin. Udal adierazgarrienekin (biztanleria eta jarduera ekonomikoa), zerga-garrantzia duen informazioa trukatuko du aldian behin eta baita aldeen zerga-ekintzaren planetarako interesa duten gertaerei buruzkoa ere. Bestalde, Nafarroako Zerga Ogasunak biztanle gutxiagoko udalei udalen zerga-eskumenen egikaritzea hobetuko duen informazio-bidea emango die.

Azkenik, hirugarrenik, Nafarroako Gobernuak datu-base bakarra izango du –beren departamentu eta erakunde autonomoek elikatutakoa– ustezko iruzurgileei, aitortu gabeko jarduera ekonomikoei edo diru-laguntza, laguntza edo gizarte-onurak desegoki hartu izanari buruz; oinarri hori departamentuek, zuzendaritza nagusiek eta erakunde autonomoek elikatuko dituzte.