Hezkuntza kontseilaria José Iribasek Bilbon dagoen Frantziako kontsulatu Didier Ortollan-ekin lan-bilkura bat izan du berriki, eta Nafarroan laster ezarriko den `Bachibac´ egiaztagiri bikoitza lortzeko aukeraren berri eman dio. Programa horrek espainoleko eta frantseseko batxilergoen egiaztagiri bikoitza lortzeko aukera eskainiko du.

Programa 2013-2014 hurrengo ikasturtean emango da, estreinakoz, bi zentro publikotan, Tuterako Benjamín BHIan eta Corellako Alhama BHIan, eta ikastetxe kontzertatu batean, Iruñako San Cernin-en.

Bileran frantseseko irakaskuntzari buruzko gaiak aztertu dira eta bi hezkuntza-komunitateren arteko harremanak. Bi hizkuntzen ezagutzaren "garrantzi estrategikoa" azpimarratu dute bien artean dagoen hurbiltasun geografikoagatik eta horrek dakartzan aukera ekonomiko-sozialengatik.

Kontseilariak kontsulari ere atal elebidunak dituzten Nafarroako zentroei buruzko informazioa eman dio. Ikasturte honetan DBH guztian ezarritako sei atal daude Beran (Toki Ona BHI), Iruñan (Eunate BHI), Donezteben (Mendaur DBHI), Tuteran (Tuterako Benjamin DBH eta Valle del Ebro DBH) eta Zizur Nagusian (Zizur DBH); haietan 368 ikaslek ikasten dute.

Bestalde, Hezkuntza kontseilariak jakinarazi dio kudeaketa "aurreratuta" dagoela etorkizun "hurbilean" Nafarroako ikasleak Frantziara joan daitezen Batxilergoko beren ikasketak han egin ditzaten. Helburua Frantziako unibertsitateetarako sarrera erraztea da, `Bachibac`-ekin gertatzen den moduan, baina kasu honetan, hizkuntzan erabateko murgiltzea erraztuz.