Iruñako Hizkuntz Eskola Ofizialean azterketa egin nahi duten pertsonek matrikula Internet-ez egin ahal izango dute: http://centros.educacion.navarra.es/eoip eta eskatutako dokumentazioa egoitzara bidali beharko dute bost eguneko epean. Tuteraren kasuan, izena honako helbide honetan eman ahal izango da: http://centros.educacion.navarra.es/eitudela edo era presentzialean, 08:30etik 14:00ak arte.

Matrikula libreak azterketak egiteko eta dagozkion ziurtagiriak lortzeko eskubidea ematen du. Modalitate horretan izena emandako ikasleek ezingo dute eskolara joan, baina liburutegiko nahiz mediatekako zerbitzuak erabili ahalko dituzte azterketak prestatzeko. Era librean azterketetara aurkezten diren ikasleek azterketako deialdi bakarrerako eskubidea izango dute, maiatz-ekainean egingo dena.

Maila batean bakarrik matrikulatu ahalko da (oinarrizkoa, ertaina, aurreratua edo C1) hizkuntza bakoitzeko. Iruñan, aleman, euskara (oinarrizko maila salbu), frantses, ingeles (oinarrizko maila salbu) eta italierako (C1 maila salbu) azterketak egin ahal izango dira. Ez da beharrezkoa aurretiazko maila gaindituta izatea goi-mailako batean matrikulatzeko, baina soilik azterketa egin eta gainditu den mailaren tituluak emango dira

Matrikula gauzatu ahal izateko, beharrezkoa da 2013an 16 urte betetzea edo beteta izatea, nahiz eta 14 urtetik gorakoak ere matrikulatu ahalko diren DBHn ikasi ez duten beste hizkuntza batean.