Nafarroako Gobernuak, Miguel Servet fundazioaren (FMS) bitartez; eta Minbizia duten Haurren Nafarroako Elkarteak (Adano) lankidetza-hitzarmena izenpetu dute Navarrabiomed (lehen Ikerketa Biomedikuaren Zentroa) plataforma publikoak garatzen duen haur-minbiziari buruzko ikerketa biomedikuari laguntza emateko.

Akordioaren barnean Caja Navarraren Fundazioaren eta Adanoren arteko baterako parte-hartzea dago "Tú decides: tú eliges" 2013 ("Zuk erabakitzen duzu: zuk aukeratzen duzu") programan. Proiektuak "El cáncer nos preocupa: todos hemos sido niños" (Haur-minbiziak kezkatzen gaitu: haurrak guztiok izan gara") (50.162. zenbakia) du izena eta harekin bi erakundeek 200.000 euro bildu nahi dituzte. Proiektua aukeratzen duen pertsona bakoitzeko –18 urtetik gorakoak, Nafarroak erroldatutakoak–, erakundeak 10 euro emango ditu.

Funtsek ere Adano finantzatzen lagunduko dute, minbizia duten haurren eskola-laguntzako eta aisialdiko jarduerak finantzatzen eta beharra duten familiak diruz laguntzen. Adanok haien bizi-kalitatea hobetzen laguntzen du laguntza psikosozialarekin eta ekonomikoarekin, mediku-zerbitzuekin koordinatuz, hezkuntzako arduradunekin eta arduradun soziosanitarioekin bitartekotza eginez eta gizartea sentsibilizatuz.

Hitzarmen-markoaren bidez, Fundazioak ere konpromisoa hartzen du elkarteak antolatutako informazio, dibulgazio, prestakuntza eta aholkularitzako ekintzetan parte hartzeko, minbizia duten haurren bizi-kalitatea hobetze aldera egiten duen lanean.