Egoera politikoa

Nafarroako Lehendakariak bere agerraldian ere Nafarroako egoera politikoaren berri eman du, "ezegonkortasun egonkor" modura definitu duena.

Hauteskundeen aurrerapen hipotetiko bati dagokionez, Yolanda Barcinak adierazi du hauteskunde-deialdi berri batek "ez zuela ezer berririk ekarriko eta bai erakunde eta administrazioaren jarduna etetea hilabete batzuetan, eta, jakina, Nafarroarentzat hori desegokiena da zailtasun handiko une honetan".

Bestalde, itxaropentsu agertu da "badirudielako ETAren terrorismoa behin betikoz desagertu egingo dela", baina ohartarazi du "urratzeko bide luzea dagoela oraindik ere askatasuna eta benetako demokrazia Euskadin eta Nafarroako zati handi batean errotu daitezen". Eta adibidetzat jarri ditu lehen lehendakariorde eta Ekonomia, Ogasun, Industria eta Enplegu kontseilaria Lourdes Goicoechea-ren familia-etxearen aurka egindako erasoak, "bere jaiotze-ibarraren garapen ekonomikoan laguntza emateagatik".

Alde horretatik, Barcina Lehendakariak ziurtatu duenez, "indarkeria- eta doktrina-urte asko pasa dira eta oraindik benetako damu asko falta da Bildu erabateko alderdi demokratikotzat jotzeko". Horregatik, "Bildurekin koalizioa egiteko keinuak egiten ari direnek herritarrei azalpen asko emango beharko zizkieten", esan du.

Testuinguru horretan, Yolanda Barcinak zehaztu du "ona izango zela Hobekuntzan eta Konstituzioan sinesten dugun nafar gehienak ordezkatzen dugunok gure indarrak nahiz posizioak batzea ziur asko Espainian eta Nafarroak datozen garaietan aurre egin beharko dieten erronka historikoei erantzuteko".