Nafarroako Lehendakari Yolanda Barcinak Maher Taldea (Pontigo MHR nekazaritzako sukaldaritza) Cintruenigon egokitzen ari den fabrika berria bisitatu du gaur, eta 2013. urte honetan emango dio hasiera bere jarduerari.

11 milioi euroko inbertsioa aurreikusten duen proiektuak Nafarroako Gobernuaren laguntza izan du milioi bat euro inguru inbertituz, nekazaritzako elikagaien industriarako egindako inbertsioei laguntza emateko esparruaren barnean, indarrean dagoen araudiaren arabera.

Fabrika berria udalerriko industrialdean dago eta 5.200 metro koadro hartzen ditu. Instalazioek 7 milioi euroko hasierako inbertsioa behar izan dute, lokala egokitzeko, eta hari gehitu behar zaio ekipoetan egindako 4 milioi euroko inbertsioa. Enpresak 40 bat lanpostu finko sortzea aurreikusten du, nahiz eta lan-taldea aldi baterako langileekin igoko zen ekintza eta kanpaina zehatzei aurre egiteko.

Industria-fabrika berri honetan, taldeak gastronomiako zerbitzu integrala eskainiko du estatu-mailako ostalaritzako merkatuko sektoreetarako. Sektore pertsonalizatuari zerbitzua emango die catering-enpresei, sukalde zentralei, ospitaleei, gizarte-jantokiei, jatetxe nahiz hotelei, bai eta lehengaien sektoreari ere, beren erabilpen-faseetan denboraldiko produktu begetalen tratamendurako direnak, eta baita haiek ondoren biltegiratzeko ere.

Gainera, zerbitzu integrala eskainiko die, alde batetik, elikagai-oinarrien sektoreari, bertan muntaia-sukalderako edo produktuaren azken akaberako hainbat produktu landuko direnak; bestetik, baita gai horri lotutako sektoreari ere, eta handik enpresak beraiei lotutako lokaletarako produktu zehatzak prozesatuko ditu.

Bisitan izan dira, Lehendakariaz gain, lehen lehendakariordea eta Ekonomia, Ogasun, Industria eta Enplegu kontseilari Lourdes Goicoechea; enpresako ordezkari Enrique Martínez; eta udalerriko alkate Raquel Garbayo.