Osasunbideak hiru ebakuntza-gela izango ditu aurten ortopediako operazioak egiteko. Ekipamendu horri esker murriztuko dira, itxarote-zerrendak eta kontzertazio pribatua, anestesia lokalarekin egindako garrantzi gutxiko operazioetara mugatuko dena.

Igoera hori egin ahalko da Ubarmin klinikako (Nafarroako Ospitale Gunea) kirurgia-eremu berria martxan jarri delako, eta ostiral honetan Osasun kontseilari Marta Verak bisitatu duena. Zerbitzu berri horretan Nafarroako Gobernuak 9.467.064 euro inbertitu du, guztira, eta kopuru horretatik, 6.867.000 obretan eta 2.600.000 ekipamenduan.

Aurten arte, Osasunbideak bost ebakuntza-gela zituen ortopediako operazioetarako, lau Ubarminen eta bat CHN B-n eta San Juan de Diosera bideratzen zituen operazioak. Ubarmingo kirurgia-eremu berriak zortzi ebakuntza-gela ditu, sei martxan daude jada eta beste bi kirurgia anbulatoriorako dira (beren jarduerari apirilaren 15ean emango diote hasiera), dagozkien beren zerbitzuen gelekin, Zainketa Intentsiboetako Unitate berri batekin eta esnatzeko gela batekin.

2012an 3.200 operazio egin ziren Ubarmin klinikan (ordeztuak izan diren lau ebakuntza-gelatan). 2013rako aurreikuspena zortzi ebakuntza-geletan 4.300 operazio egitea da. Gogoratu behar da CHNko ortopediako kirurgia eta traumatologiako zerbitzuak integratzean, Ubarmin klinika ortopediako kirurgiarako erreferentzi bihurtu dela: belauneko bi unitate (San Martin zentroan ere kontsultak izango dira) eta mokorreko nahiz tumoreen beste unitate batzuk: bizkarrezurrekoa; oinekoa; goiko gorputz-adarretakoak. Gainera, blokeoen itxarote-zerrenda kentzea aurreikusten da.

Halaber, Ubarminen egindako inbertsioei esker, lehen eguneko lau kontsulta egiten baziren (12 paziente) orain zortzira izango dira (20 paziente), eta ospitaleratzearen ondorioz egunero 55-60 ohe okupatuta bazeuden, orain 90-100 okupatuko dira.

Lehen solairua: kirurgia anbulatorioa eta ZIU

Kirurgiako eremu berriak bi solairu ditu, guztira 3.610 metro koadro hartzen du eta bi solairutan banatzen da, nahiz eta beste osagarri batzuk ere egin diren behe-solairuan eta sotoan.

Lehen solairuan kirurgia handi anbulatorioko zerbitzua dago. Zehazki, bi ebakuntza-gela ditu, pazienteentzako aldagelez gain, inguruneari egokitzeko gunea, prestatzeko gunea eta esnatzeko berariazko gela. Sarbide independente batekin diseinatu da ospitaleratzea behar ez duten paziente horiei emandako arretak ospitaleratzeko zirkuitua eragotz ez dezan. Esterilizatzeko zentral berri bat ere badu.

Solairu horretan ere dago Zainketa Intentsiboetako Unitate berria, hamabi pertsona sartzen dira bertan eta gaur egun dagoen ohe-kopurua bikoizten du. Instalazioen barnean zerbitzuko beste gela batzuk daude, biltegiak eta lokal osagarriak. Guztira, lehen solairuak 1.470,2 metro koadroko azalera erabilgarria du.