Kolon eta ondesteko minbiziaren detekzio goiztiarreko programa (PDPCCR), fase pilotua Etxabakoizen ezarri zena 2012ko urrian, azterketa-xede den biztanleriaren % 53,99ko partaidetzara heldu da, gaur goizena Osasun kontseilari Marta Verak eta Osasuneko zuzendari nagusi Cristina Ibarrolak ezagutzera eman dituzten programaren balantzeko datuen arabera. Zehazki, 944 pertsonari bidali zitzaien parte hartzeko gutunak, nahiz eta haietako 902rekin soilik harremanetan jarri ahal izan zen, azterketaren ` baliozko biztanleria´-tzat jotzen den zifra. Parte hartzeko asmoa azaldu zuten pertsona guztien artetik (509), 487k testa eman zuten (` baliozko biztanleria´-ren % 53,99). Sexuaren arabera, emakumeen parte-hartzea gizonezkoa baino 4 puntu goitik dago, %55,94 (gizonezkoena, % 51,94), baina alde horri ez zaio adin-talde guztietan eusten: parte-hartzea igotzen da adinean aurrera egin ahala, adierazgarriagoa dena gizonezkoen kasuan emakumezkoen kasuan baino.

Programaren fase pilotu horretan erabilitako metodologiari dagokionez, xede den biztanleria behin finkatuta (50 eta 69 urte arteko sintomarik gabeko gizonezko eta emakumezkoak) gonbidapen-gutunak bidali ziren postaz eta bertan kolon eta ondesteko minbiziari buruzko informazio zehatza sartzen zen honako honetan zetzana: gorozkietan ezkutatu dagoen odol-testa (TSOH), haren emaitzen bidalketa eta jarduketa beste proba osagarri batzuk behar izatekotan, bai eta aurrez frankeatutako parte hartzeko onarpen.txartela ere. Parte hartzeko borondatea erakutsi zuten pertsonei, materiala etxeetara bidali zitzaien lagina hartzeko prozedurari buruzko informazioarekin, laginak jasotzeko kit-a identifikazio-datuekin etiketatuta, eta jarraibideen orrialde bat. Laginak Dr. San Martin zentroko laborategira igorri ziren azter zitzaten.

Emaitzei dagokienez, 38 pertsonak TSOHren analisi positiboa lortu zuten eta osasun-zentroetarako hitzordua eman zitzaien. 38 kasuetatik, hirutan kolonoskopia ez zegoela aginduta iritzi izan zen; gainerakoei (35 pertsona) proba egin zezaten gomendatu zitzaien; batek uko egin zion eta bestea atzeratu egin zen medikuaren aginduz. Gaur egun, pertsona bat proba egiteko zain dago; beraz, guztira 32 kolonoskopia egin dira, eta orain arte ez da minbizirik ikusi aztertutako kasuetan.

Ondorioei dagokienez, partaidetza-portzentajea (% 53,99) xedetzat jotakoaren azpitik dagoela irizten da, nahiz eta kontuan hartu behar den ez dela inolako sentsibilizazio-kanpainarik egin eta, hortaz, zifra onargarritzat hartu behar dela. Azterketan zenbait gonbidapen egiteko beharra adierazten da eta irisgarritasuna sendotzeko beharra parte hartzeko asmoa komunikatzeko. Nolanahi ere, aztertutako pertsona-kopuru txikiak ez du uzten emaitzak biztanleria guztira estrapolatzen, baina bai programa pixkanaka ezartzeko prozesuan zehar onartu beharko den bolumena eta jarduera-mota hurbiltzen.