Martxoaren amaieran 56.486 langabe zeuden erregistratuta Nafarroako Enplegu Zerbitzuaren (NEZ) enplegu-agentzietan, hau da, -% 0,07 jaitsi da (38 pertsona) aurreko hilabetearekin alderatuz; orduan 56.524 pertsona zeuden lanik gabe, NEZaren hileroko txostenaren arabera.

Kontratazioari dagokionez,15.980 kontratu erregistratu ziren NEZan, lantokia Nafarroan izanik. Hau da, 242 gehiago otsailarekin alderatuz.

Nafarroako Enplegu Zerbitzuko zuzendari-gerente Mª Isabel García Malo langabezian izandako beherakada "positibotzat" jo du, "25 urtetik beherako taldean eta emakumeengan bereziki". Kontratazioko aldeko datuak ere aintzat hartu ditu; datu horiek % 1,64an igo dira.

Enplegu-agentzien arabera, langabezia Lizarra (-% 1,94), Doneztebe (-% 0,98), Altsasu (-% 0,96), Iruña-Yamaguchi (-% 0,77) eta Iruña-Zabalgunen (-% 0,27) jaitsi da eta honako leku hauetan igo: Tutera (% 1,04), Tafalla (% 0,75), Agoitz (% 0,25), Lodosa (% 0,25) eta Iruña-Arrotxapean (% 0,06).

Sektore ekonomikoen arabera, langabeziak behera egin du zerbitzuetan, 258 langabe gutxiago dago, bereziki osasun-jardueretan (93 pertsona), Administrazio Publikoan, defentsan, Gizarte Segurantzan (53 pertsona) eta ostatu-zerbitzuetan (48 pertsona). Aitzitik, nekazaritza- eta arrantza-sektoreetan 103 pertsona gehiago dago lanik gabe, eta jarraian aurreko enplegurik gabeko sektorea.

Sexuaren arabera, 28.233 emakume daude lanik gabe, -% 0,5eko jaitsierarekin, eta 28.253 gizon, % 0,3ko igoerarekin aurreko hilabetearekin alderatuz; horrek adierazten du gizonen langabezia emakumeena baino handiagoa dela.

Adin-taldeen arabera, 25 urtetik beherako langabeen kopuruak -% 1,26 egin du behera; 5.710 dira orain, eta 25 urtetik gorako langabeziak, berriz, % 0,07 egin du gora otsailarekin alderatuz; hau da, 50.776 langabe dago orain.

Kontratazioa: 15.980 kontratu erregistratu ziren NEZan 2013ko martxoan zehar, hots, 242 gehiago aurreko hilabetearekin alderatuz.

Erregistratutako 15.980 kontratuetatik, 1.036 mugagabeak izan ziren, hau da, erregistratutako kontratu guztien % 6,48.