Nafarroako Gobernuak izena emateko epea zabaldu du kontzertatutako bisiten udaberriko eskola-kanpainarako. Bisita horiek honako leku hauetara egingo dira: Otsagabia, Erronkari eta Irunberriko naturaren interpretazio zentroetara (NIZ), Urbasa eta Andiako natur parkeetara, Bertizko Jaurerirra eta "El Bordón" hegaztien behatokira, Las Cañasko urmaelean (Viana).

Udaberriko kanpaina honetan ingurumeneko ekipamenduetara bisitak egin nahi dituzten ikastetxeek, apiriletik ekainera ezartzen dena, eskaerak 2012ko apirilaren 30a baino lehen egin beharko dituzte ekipamenduetako webguneen bidez eta telefonoz Vianako behatokiaren kasuan (948 38 24 28 eta 696 83 08 98). Bisitak, doakoak (ikastetxeek soilik garraio-gastuak ordainduko dituzte), hautatutako datetan egin ahalko dira, eta postaz edo posta elektronikoz baieztatu beharko dituzte ingurumeneko hezkuntza-zentroek. Gehienez ere 60 ikasle izango dira bisita bakoitzeko interpretazio-zentroetan eta natur parkeetan edo 50 hegaztien behatokian.

Nafarroako Gobernuak hezkuntzako materialak argitaratzen ditu eskolen bisita-programa horretarako, berariazkoak naturaren interpretazio-zentro eta hegazti-behatoki bakoitzerako, Lehen Hezkuntzako 2. eta 3. zikloko ikasleentzat dira eta baita DBHko zikloko 1. eta 2. ikasleentzat ere. Material horiek eskuratzeko interesa duten ikastetxeek beren bisitak hitzartzeko unean bete beharreko formularioan eskatu ahalko dituzte.

Bisiten eskola-programaren arreta gaztelaniaz eta euskaraz eskainiko dute begirale espezializatuek, eta begirale horiek taldea ibilbidean zehar gidatzeaz gain eta instalazio horiek bisitatzeaz gain, aurretiaz ikastetxe bakoitzeko irakasleekin zehazten diren hezkuntza-jarduera osagarriak antolatzen dituzte

Landa Garapen eta Toki Administrazio Departamentuak urtean behin ikastetxeen esku jartzen dituzte naturaren interpretazio-zentroak eta hegaztien behatokiak, Nafarroako Ingurumen Hezkuntzaren garapenean era aktiboan laguntzeko xedearekin. Urtean behin bi kanpaina deitzen dira NIZetara eta hegaztien behatokietara bisitak hitzartzeko: udazkena-negua eta udaberria.

Ingurumen-hezkuntzako ekipamendu horiekin Departamentuak ikastetxeei erakutsi nahi dizkie kokatuta dauden zonaldeetako ezaugarri biologiko, geologiko eta gizatiar nagusiak, gizakiak bere ingurunearekin dituen harremanak hobeto ulertzeko asmoz, bertako natura eta kultur balioen ezagutza erraztea, eta ingurumenaren kontserbazioari lagunduko dioten jarrerak garatzen sustatzea.