Nafarroako Gobernuak guztira 1.714.835 euro erabiliko du txikizkako merkataritzako sektorea laguntzeko neurrietarako. Kopuru horretatik, guztira 1,15 milioi bost laguntza-deialdiren hornidura ekonomikoari dagokio.

Linea horietako bi berreskuratu dira (ez ziren 2012an deitu) eta, berrikuntza moduan, eskaerak aurkezten diren ordenaren arabera ebatziko dira (banakako ebaluazio-erregimena). Funtzionamenduan dauden enpresen lehiakortasuna hobetzeko diru-laguntzak dira, alde batetik, eta merkatari ekintzaileei laguntza emateko, bestetik. 470.000 eta 69.170 euroko aurrekontua izango dute, hurrenez hurren.

Bi kasuetan, itzuli beharrik gabeko laguntzak dira merkataritza-establezimenduetan obra, berrikuntza eta egokitzapena egiteko, negoziorako beharrezko aktibo finkoak bereganatzeko edo informazio eta komunikazioaren teknologia ekipoetan (IKT) inbertsioak egiteko.

Gainera, merkatari ekintzaileentzako deialdiak ere beharrezko prestakuntza barnean hartzen du enpresa-jarduera garatzeko edo sozietatea osatzeko notario- edo eskritura-gastuetarako.

Bestalde, honako diru-laguntzen deialdi hauei deialdiei eutsiko zaie: merkataritza-kolektiboak sustatu eta kudeatzeko programa (579.270 euro); merkataritza-sektorearen prestakuntza (25.931 euro); eta lehiakortasuna berrikuntzaren bidez (7.000 euro).