Nafarroako Gobernuak Merkataritzako Estatuko Idazkaritzarekin, Ekonomia eta Lehiakortasun Ministerioaren mende dagoena, elkarlanean aritu da Nazioartekotzeko Zerbitzuen Gida egiteko orduan. Gida horren helburua enpresa nafarrei laguntza ematea da kanpoko merkatuetara irteteko garaian. Nafarroako Nazioartekotze Planaren eta ICEXen webguneetan eskuragarri daude kontsultatu eta deskargatu ahal izateko.

Gida horrek Nafarroatik eskaintzen diren nazioartekotzeko berariazko zerbitzuak jasotzen ditu, eta jada katalogo nazionalean ageri zirenei gehitzen zaizkie,Merkataritzako Estatuko Idazkaritzak (SEC) emandakoak eta haren mende dauden erakundeek: ICEX, España Expansión Exterior eta Cofidesek, esaterako, Espainiako enpresak kanpora ateratzen laguntzeko. Gainera,Kreditu Ofizialaren Institutua (ICO) nazioartekotzeko laguntza-ildoak jasota daude, Ekonomia eta Lehiakortasun Ministerioari atxikita dagoena.

Gidaren xedea da enpresek eskura dauden zerbitzu guztiak izan ditzaten, informazioaren sakabanaketa saihestea eta nazioartekotzea laguntzen duten programa guztien ikuspegi orokorra ematea.

Argitalpenak honako hauei erantzuten die: kanpoko negozio potentzialak nola identifikatu, finantzaketa nola lortu, merkataritza-arriskuak nola ziurtatu, tokiko bazkideak nola aurkitu, doako aholkularitza pertsonalizatua nola eskuratu, edo kanpoko inbertsioa nola erakarri eta bazkideak bilatu Espainiako proiektuetarako. Helburua galdera horiei erantzuna ematea da eta arrakasta-bermeak gainditzea enpresa nafarren nazioartekotze-estrategian.