Sustapen kontseilari Luis Zarraluqui Ortigosa Nafarroan dauden banketxe ezberdinetako ordezkariekin bildu da gaur goizean Nafarroako Artxiboan, eta Nafarroako Gobernuaren Bitartekotza Zerbitzua erabiltzera animatu ditu etxegabetxeak saihesteko formula gisa, eta Administrazioaren eta finantza-erakundeen arteko informazio-trukea bermatzeko, bai eta azken horien arteko lankidetza ere.

Xede horrekin, kontseilariak bertaratutakoei zerbitzu horren osaketaren eta funtzioen berri eman die, bai eta abiatu zenetik zer jarduketa egin dituen berri ere. Sortu zenetik, iragan urrian, bitartekotzako 410 eskaera jaso ditu eta 197 espediente zabaldu, haietatik % 43 akordio batekin itxi dira jada.

Bestalde, Etxegabetzeen arloan Arreta Batzordearen sorreraz ere hitz egin die, buru den departamentu arteko organoa; zenbait jarduketa burutzen ari da arazo konplexu batean ekintza integral bat lortzeko eta arreta izan dezaketen ardatz asko dituena.

Bertaratutako entitateek haientzat bitartekotzako zerbitzu berri hori erabateko laguntza dela azpimarratu dute; izan ere, kasu gehienetan zordunarekin elkarrizketa errazagoa lortzen da, emaitza onak erdietsiz kentze-neurrira iristeko beharrik izan gabe.

Bestalde, finantza-erakunde bakoitzeko iparraldeko ordezkariek azpimarratu dute Nafarroan etxegabetzeak jasandako bezeroak gutxi direla; nolanahi ere, izan daitezkeen irtenbideak beti pertsona bakoitzaren egoera ekonomikoari doitzeko nahia erakutsi dute, aldeen artean akordioa bilatuz (berfinantzaketa, luzamendua, ordainean ematea…)

Ordezkari guztiak arazo horrekin oso sentsibilizatuta agertu dira eta "egungo egoeran duten erantzukizuna" aitortu dute", nahiz eta aldarrikatzen duten ere erantzukizun hori "partekatu egin behar dela banketxeen, bezeroen eta beste erakunde batzuen artean". Azkenik, Administrazioarekin lan egiteko nahia adierazi dute arazo horri irtenbide bat aurkitzeko asmoz.

Kontseilariak nabarmendu du bilkura hori "lankidetzarako harreman estu baterako lehen urratsa dela" eta etorkizunean bilkura-klase horiek izaten jarraitzea espero duela informazioak eta esperientziak partekatzeko. Hori guztia, etorkizunean Nafarroako Gobernuaren eta gure lurraldean finkatuta dauden banketxeen arteko lankidetza-hitzarmen bat sortzeko xedez kaltetutako pertsonen mesedetan.

Iragarri die ere, bihar Nafarroan hipotekak kaltetutako hainbat plataformako ordezkariekin bilduko dela egoeraren ikuspegi orokorra izateko.

Bilkuran izandako 16 finantza-erakundeetako ordezkariek kontseilariari egiten dituzten jarduketen berri eman diote etxegabetzearen drama soziala saihestearren. Jarduketa horien barnean daude: berfinantzaketa, zorraren berregituratze bideragarria (ez ordaintzea onartzea hilabete batzuetan, hileko ordainketa edo interesa murriztea…), kita bat egitea, ordainean ematea edo hipoteka malgutzea kuota bezeroaren ordainketa-ahalmenari egokitzeko, besteak beste.

Bilkuran ondorengo banketxetako ordezkariak izan dira: Caixa (Banco de Valencia), Banco Popular (Popular+Vasconia+Pastor), Banco Sabadell, BBVA, Caja Rural, Bankia, Caja Laboral, Catalunya Caixa, Banco Santander (Banif+Banesto+Santander), Banco de Valencia, IberCaja, Caja España (+Caja Duero), Kutxabank (+BBK), Bankinter, Barclays eta Deutsche Bank.

Nafarroako Gobernutik izan direnen artean, Lurralde, Mugikortasun eta Garraiorako zuzendari nagusi José Antonio Marcén zegoen; Bitartekotza Zerbitzuko zuzendari César López Dios; Etxebizitza Zerbitzuko zuzendari Luis Antonio Ayesa eta Laguntza Juridikoko Zerbitzuko zuzendari Nekane Ágreda.