Nafarroako Gobernuak 1,06 milioi euro emango die 5,2 milioi euroko hamabi inbertsio amaituta edo amaitzear dituzten hamabi ETEri. Laguntza hori inbertsio guztiaren % 17 eta % 30 artean dago.

Beren inbertsio-proiektua amaituta edo amaitzear duten industria-izaerako enpresak dira eta, beraz, badaude aberastasuna sortzeko daturik. Zehazki, 19 lanpostu sortu dira, hau da, % 12 igo da inbertsioak hasi aurretik lanean zeuden 157 pertsonarekin alderatuz. Gainera, 2012ko datuekin, enpresa horiek beren fakturazioa % 34 handitu dute, 25,1 milioi eurora iritsi dira.

Honako enpresa hauek dira; Bolsas Osés SL; Gráficas Alzate SL; Kalpe Calderería Pesada SL.; Lantec 2000 Sistemas SL; Makinaria Ormazabal SL; Neumáticos Iruña SL; Talleres Goldebi SL; Talleres Onena SL; Transformados Mayo SL; Mikel Mutuberria Zurgindegia SL; Adrián Arriazu Carcavilla; eta Miguel Ángel Fernández Jausoro.

Proiektu guztiak ETEek sustatu dituzte (% 58 enpresa txikiak dira, 10 langile baino gutxiagorekin), haietako bat sortu berria, eta enpresa horiek zailtasun handiagoak dituzte finantzaketa lortzeko. Lau Iruñerrian daude; hiru Sakanan; bi Baztan-Bidasoan; bi Estellerrian; eta bat Erriberan. Nafarroako Gobernuaren arabera, Nafarroako ekonomiarentzako proiektu dinamiko eta interesgarriak dira.