Alex de la Iglesia

Alex de la Iglesia (Bilbo,1965) zinemako zuzendari, ekoizle eta gidoilari.

Deustuko Unibertsitatean Filosofian lizentziatua, istoriotxoak marrazten hasi zen No, el fanzine maldito eta Metacrilato fanzineetan eta Trokola, La Ría del Ocio edo La Comictiva aldizkarietan.

Ondoren, Espainiako zinemaren zuzendari aipagarrienetakoa bihurtuko zuen pelikula estreinatu zuen: sei Goya sari lortu zituen El día de la Bestia (1995).

Zinegilearen ondorengo beste lan batzuk izan dira: Perdita Durango, La comunidad, 800 balas, Crimen ferpecto, Los crímenes de Oxford, Balada triste de trompeta eta La chispa de la vida. 2012ko udazkenean Las brujas de Zugarramurdi komedia filmatzen hasi zen Nafarroan, aktore-talde zabalarekin: Carmen Maura, Macarena Gómez, Hugo Silva, Mario Casas, Terele Pávez eta Pepón Nieto.

2009ko ekainean Espainiako Arte eta Zientzia Zinematografikoen Akademiaren lehendakari izendatu zuten, eta kargu horretan izan zen 2011ko Goya Sarien ekitaldia amaitu arte; haren ondoren, dimisioa eman zuen Sinde Legearekin ados ez zegoela eta.

Azken pelikulaz gain, Nafarroa Alex de la Iglesiaren beste ekoizpen baten agertoki bihurtu da; izan ere, duela hogei urte Errege Bardeetan lehen film luzea filmatu zuen: Acción Mutante. Noizbait adierazi duenez, "zinema-ikuspegitik Nafarroa Europako toki erakargarrienetako bat da, eta bertan dozenaka pelikula filmatu dira".

Tierras de Iranzu Turismoko elkartea

Tierras de Iranzu Turismoko elkartea 2006ean jaio zen hogei bat kide pribaturekin. Gaur egun turismoko 78 enpresa baino gehiago eta 40 udalerri hartzen ditu barnean.

Landa-turismo eta eko-turismoko elkarte berritzailea da, eta lantzen ditu: eskulangintzako eta gastronomiako turismo-produktuen eskaintza zabala, kultur eta kiroletako ekitaldiak eta inguruko alde erromanikorako bisitak eta sustapeneko proiektu handiak. Elkarteak dituen baliabide guztiei balioa ematen jakin izan du, Tierras de Iranzu erakargarritasun turistikorako ahalmen handia duen leku eginez. Bertako biztanleek turismoaren aldeko apustu argia egin dute errentak dibertsifikatzeko iturri gisa eta nekazaritza nahiz abeltzaintza bezalako jarduera tradizionalak landa-turismoko apustu handiarekin bateragarri egin dira iraunkortasun, gizarte-kohesio eta kultur nahiz naturaren ondarea hobetzeko irizpideekin.

Elgorriagako bainuetxearen sorrerak XIX, mendera eramaten gaitu. Gaur egun berriz ireki da inguruko inbertitzaileen ekimen pribatuaren eta toki-erakundeen ekimenaren bidez, bainuetxe, hotel eta jatetxe modura ustiatzeko eskaintzen duen aukera dela eta.

Bainuetxeko ur klorurosodikoen aparteko ezaugarriek tratamendu mineromedizinal askotarako egokiak dira

Proiektu hori bost zutabetan oinarritzen da: ura, argia, kolorea, ingurunea eta giza baliabideak; elementu horiek xehetasun guztiekin zainduta daude gunean harmoniazko giroa lortu ahal izateko. Hotelak 75 gela ditu eta paraje natural eder baterako bistak dituzte.

Bainuetxeak mediku-zentro eta errehabilitazioko fisioterapeuta gune bat du eta azkeneko tratamendu eta teknikak eskaintzen ditu. Haien balioetako bat alor guztietako osasunaren sustapena da, eta zainketa hori sukaldean nabari daiteke bertan kalitate handieneko lehengaiekin egindako plater osasungarri asko eskainiz. Osasunaren sustapen hori ere ingurumenarekiko zainketara zabaltzen da, eta, hori dela eta, laster energia iraunkorragoa den biomasa-galdarak (pellet) jarriko dira .

Lizasoko "Orgi" jatetxea

Gaur egun Mikel Odriozola eta Oihana Larraia dira Orgi jatetxeko nagusiak eta "El singular por Excelencia" ("Berezietan bereziena") Saria jaso du "Establecimiento Singular 2008" ("2008ko Establezimendu Berezia") seigarren lehiaketan, jatetxe horren sukaldaritzaren goi-mailari esker. Sukaldaritza hori zonaldeko bertako produktutan oinarritzen da, ehiza edo onddoak esaterako, eta era tradizionalean prestatzen da ukitu berritzaile batzuk emanez.

Mikel Odriozola "El Txoko del Gourmet" eskolan (2010ean Michelin izar bat eskuratu zuen, Donostian dago eta Armendariz anaiek sortu zuten) prestatzen hasi zen.

Ondoren, Kantabriako Hostería de Quijas-era jo zuen. Urtebete egin zuen Juan Maria Arzakekin eta beste bat Hilario Arbelaitzen Zuberoan. Handik Japoniako Sapporora jo zuen lanera. Espainiara itzultzean Ferrán Adriá-ren El Bullin sartu zen, eta azkenean Arbelaitz taldean amaitu zuen lau urtez.

Cintruénigon (Nafarroa) kokatua, 1983. urtetik Mahercateringek hainbat ekitalditan eskaintzen ditu bere gastronomia-sorkuntzak: sariketak, kongresuak, aurkezpenak, topaketak, tailerrak…

Nafarroako Erriberako produktuen sukaldaritzaren aldeko apustua egiten du, tradizionala eta ukitu garaikide, fresko eta egungoarekin, eta 35 urte baino gehiagoko ibilbideak abalatzen du.