Bart gauean terrorismoa goratzen edo gorazarre egiten zioten dozena bat pintada kendu dira Arbizun eta Etxarri-Aranatzen, bertako udalek ezabatu ez dituztenak. Jarduketa hori iragan azaroan Nafarroako Gobernuak eta Gobernu Ordezkaritzak izenpetutakolankidetza-protokoloaren barnean sartzen da.

Guardia Zibilaren txosten batean oinarrituta, Ordezkaritzak duela hilabete baino gehiago Arbizu eta Etxarri-Aranatzeko udalei pintada horiek kentzeko eskaera egin zien, baina bi udalek ez zuten beren eskumena bete.

Pintadak ezabatzeko emandako epea agortu ondoren, Nafarroako Gobernuak kontratatutako enpresa batek, eta Foruzaingoko agenteen eskoltarekin, dozena bat pintada kendu dituzte. Gogoratu behar da, urtarrilean udalerri horietan terrorismoa goratzen edo gorazarre egiten zioten beste dozena bat pintada ezabatu zirela.

Bart gauean egindako lanen kostua mila euro ingurukoa da, eta Nafarroako Gobernuak udalei eskatuko die; izan ere, garbiketako zerbitzu publikoa betetzeko erakunde eskudunak dira. Ordaintzen ez badute, kopuru hori Toki Ogasunen Partaidetzako Funtsek Nafarroako Zergetan egindako transferentzietatik kenduko da.

Hirugarren udal nafar bati ere eskaera egin zitzaion antzeko pintada batzuk ken zitzan bere udalerrian. Nolanahi ere, pintada horiek desagertu egin dira Nafarroako Gobernuak esku-hartzeko beharrik izan gabe.