Programa

Link Up/Conéctate Carnegie Hall-ek sortutako musika-hezkuntzako programa bat da eskola kontzertu-aretoarekin lotzeko, eta 9 -13 urte arteko ikasleei musika jorratzeko aukera eman nahi zaie ikasgelan, ikasturte guztian, zenbait jarduera eginez; esperientzia kontzertu batekin amaituko da eta bertan ikasleek orkestra profesional batekin joko dute. Link Up/Conéctate ibilbide eta ospe handieneko eskola-hezkuntzako programatzat jotzen da, eta New Yorkeko ikastetxeetan ezarri den kalitate handiko eredu bihurtu.

2013/2014 denboraldiko programan, Orkestrarekin mugituz, ikasleek orkestra-errepertorioa jorratuko dute era praktiko batean. Urtebeteko iraupena duen programa eskolan egindako trebetasunetan eta lan sortzailean oinarritzen da eta kontzertu elkarreragile batekin amaituko da zuzenean Iruñeko Baluarte Auditoriumean edo Tuterako Gaztambide antzokian; eta emanaldi bat baino gehiago izango da, izena ematen duten ikastetxe- eta ikasle-kopuruaren arabera. Kontzertu horretan ikasleek ikasi dutena erakusteko aukera izango dute Nafarroako Orkestra Sinfonikoarekin abestuz, txirula eztia edo biolina joz.

Link Up/Conéctate-en helburuak ikasleei honako hauek egiten uztea da: musika-hiztegi bat garatzea eta aplikatzea; orkestra-errepertorioa identifikatu, deskribatu, aztertu, ebaluatu eta entzutea; musika irakurtzen, idazten, abesten, jotzen eta sortzea; musikaren irakaskuntza ikasketen beste arlo batzuekin eta beste arte-diziplina forma batzuekin lotzea, eta kontzertu-esperientzia elkarreragile batean parte hartzea.

Bestalde, Link Up/Conéctate gidari esker –harekin ikasleek aurrez urte guztian zehar lan egingo dute– ikasleek orkestra-musikaren erregistroa jorratu ahalko dute eta azken kontzerturako prestatu ahalako dira entzuteko jardueren bidez, inprobisazioan eta konposaketan lan sortzailea eginez, eta haiek abestuko edo joko duten kontzertuaren errepertorioa entseatzeko eta perfekzionatzeko aukerak emanez.

Denboraldi bakoitzean, Link Up/Conéctate programa kontzertu batekin amaituko da Iruñeko Baluarte Auditoriumean edo Tuterako Gaztambide antzokian. Ordubeteko emanaldi dinamikoa da eta bertan orkestra, osorik ikasleekin batera ariko da, eta ikasi duten errepertoriotik hautatutako piezak joko dituzte. Gustavo Moral aurkezleak ikasleak bideratuko ditu zuzeneko jarduera-programa baten bidez.

Cristóbal Soler-en arabera, programa hori Nafarroako Orkestra Sinfonikoaren plangintzekin bat dator; orkestra horrek ekintza sozial eta hezkuntzakoei bultzada berri bat ematea aurreikusi du.

Programak irakasleentzako prestakuntza-mintegiak eta azalpen-saioak izango ditu, eta ekainean burutuko dira.

Orientazio parte-hartzailea

Jakina denez, Nafarroako Gobernuak hamabi urte baino gehiagoz Espainian aitzindaria izan zen Eskola eta Familia Kontzertuak programa antolatu zuen. Fernando Palaciosek lan pedagogiko nahiz musikal bikaina egiten zuen bertan.

Nolanahi ere, formatua berriz pentsatu beharra zegoen, Hori dela eta, eta gure mugetatik at dauden beste programa batzuk sakon aztertu ondoren, funtsezko bi ondorio atera ziren:

Lehenik eta behin, ikusi zen musika-erakundeak erakunde egokienak zirela ikasleentzako era horretako programa pedagogiko eta musikalak gidatzeko, sustatzeko, diseinatzeko eta aurrera eramateko. Orkestra horiek badakite giza baliabideak eta baliabide materialak hobeto nola optimizatu. Horregatik, Kultura, Turismo eta Erakundeekiko Harremanetarako Departamentuak Nafarroako Orkestra Sinfonikoari ondorengoa proposatu dio: ikastetxe nafarrei jarduera-eredu berri bat inplementatzeko erantzukizuna bere gain har dezala, Departamentuarekin elkarlanean buru-belarri arituz.

Azterketatik lortutako bigarren ondorioa izan zen, beharrezkoa zela ikuspegi ireki eta parte-hartzailea hartzea, ikaslea subjektu aktibo bihurtuz. Programa pedagogiko aurreratuenek diote haurraren inplikazioa funtsezkoa dela eta haientzat "arrastoa utziko duten benetako esperientziak" izango diren jarduerak bilatu behar dituztela, haien jakin-mina eta sormena piztuko dituztenak.