Hala, Nafarroak, Kantabriarekin batera, aitzindari modura bat egin du ekimen horrekin; ekimen horren helburua drogazaletasun-arloan esku-hartzeko eremuak zabaltzea da eta lan-arlo berriak jasotzea, denboran zehar prebentzioko ekimenak garatu ostean ikastetxeei, familiei, gazteei, haur-gazteen astialdiari zuzenduta, edo drogak libre eramatea, beste alderdi batzuen artean.

Alde horretatik, aipatu beharra dago Nafarroan alkohola kontsumitzen hasteko adina % 14,9an kokatzen dela, eta 25-64 urte arteko biztanleen artean, arrisku handiko alkohol-kontsumitzaileak % 10 direla

Urtarrilean hasi zen programa-pilotuaren lehen faseari Foru Komunitatean ekin zitzaion trebatzaileen trebakuntza-ikastaro batekin, eta bertan parte hartu zuten Iruña, Atarrabia eta Vianako udaletako toki-eremuko profesionalek, eta Azkoien, Allo, Altsasu, Huarte, Irurtzun, Auñamendi, Etxarri-Aranatz, Zangoza, Noain eta Leitzako Oinarriko Gizarte Zerbitzuetako Mankomunitateetakoek.

Zegokien trebakuntza jaso ondoren, trebatzaileak ikastaroak ostalaritzako profesionalei ematen hasi zitzaizkien, eta dagoeneko Vianan, Azkoienen, Zangozan eta Betelun eman dira. Gaur osteguna, hilak 23, hain zuzen Atarrabian eskainiko da ikastaroa eta lehen fase hori hilaren 28an, Altsasun amaitzea aurreikusten da.

Bi ikastaroetan ematen diren ikasgaien artean alkoholaren kontsumoak zer ondorio eta arrisku dituen aipatu behar da, ingurumeneko faktoreak eta banaketa arduratsua, alkohola gehiegi kontsumitzeko eta alkoholaren eraginpean gidatzeko asmoa nola kendu, egoera gatazkatsuen aurrean nola jokatu, edo arriskuen murrizketa eta lehen laguntzak nola eman. Gainera, trebakuntza legezko alderdiekin osatzen da; izan ere, araudia betetzeari buruzko gaiak aztertzen dira alkoholaren salmenta eta banaketari dagokionez, eta adin txikikoei alkohola zerbitzatzeko debekua.

Ekimen horrekin batera, Nafarroako Osasun Publikoaren eta Lan Osasunaren Institutuak Nafarroan eratutako Ostalaritzako hiru elkarterekin bilkura bat izan zuen (Ostalaritza Enpresa Txikiaren Nafarroako Elkartea –ANAPEH–, Nafarroako Ostalaritza Elkartea eta Nafarroako Dantzalekuen Enpresarien Elkartea –ASBANA–). Elkarteek elkarlanerako "jarrera argia" erakutsi zuten, eta horrek, Institutuaren arabera, "programa Nafarroaren aisialdiko errealitateari egokitzea asko errazten du, elkarte horiek duten esperientzia handia ikusita". Ekimen horren emaitza da arloko 60 profesional dagokien trebakuntza jasotzen ari direla.

Ekimen horiek guztiak duela urte batzuetatik Nafarroa guztian lanean diharduen profesional-sarearekin osatzen dira ohiko eran gai horretan, eta toki-mailan garatzen diren 42 bat programarekin.

Oro har, alkoholaren kontsumoa orokorrean sozialki onartuta dago eta gehien kontsumitzen den droga da, besteak oso urrun utziz, eta osasuneko nahiz gizarte-mailako arazo larriak sortzen ditu. Alkohola festa eta ospakizun gehienetan dago, eta, beraz, herritarrek, gazte nahiz helduek, kontsumo horrek eragin ditzakeen arriskuen hautemate txikia dute: gehiegi kontsumitzea, zirkulazioko ezbeharrak, indarkeria-episodioak edo mendekotasuna, besteak beste.