Landa Garapen, Ingurumen eta Toki Administrazioko kontseilari José Javier Esparzak gaur goizean Toulouse-n egindako "Pirinioetako Aktoreak: nola prestatu haren egokitzapena klima-aldaketara?" izeneko mintegian parte hartu du. Jardunaldian, Klima Aldaketaren Pirinioetako Behatokiak agindutako azterketa bat aurkeztu da, eta azterketa hori honako helburu hauekin egin da: Pirinioek klima-aldaketaren aurrean zer ahultasun duten jakiteko, egoera horretara egokitzeko dauden neurriak ezagutzeko eta hainbat esparru ekonomikotatik burutzen ari direnak, eta gomendioen katalogo bat egiteko.

Jada egiaztatu diren batez besteko tenperaturen igoeragatik glaziarrak pixkanaka desagertzen joateak, eta udan bero-boladak handitzeko aurreikuspenak edo etorkizunean prezipitazio gutxiago egiteak ingurumenari ez ezik Pirinioetako eskualdeko garapen ekonomikoko sektoreei ere eragiten diete, nekazaritzari edo turismoari, esate baterako. Alde horretatik, azterketak egoera bakoitzerako berariazko neurriak hartzeko beharra aipatzen du eta, horrekin batera, neurriak hartzea klima-aldaketa erabakiak hartzeko orduan integratzeko eta egokitzapen-estrategia eraginkorren garapenean ere integratzeko, batez ere sektore ekonomiko eta espazio natural ahulenentzat. Esparza kontseilariak azaldu duenez, azterketak defendatzen du "erabakietan klima-aldaketari buruzko hausnarketa jasotzea, eta hausnarketa hori benetan eraginkorra izatea, epe laburrean neurriak hartzetik haratago". José Javier Esparzak, gainera, aipatu du "itxura batean aurreikus daitekeela Europako funtsak eskuratzeko kontuan hartuko dela proiektuek klima-aldaketaren inguruko hausnarketa-ariketa bat egin duten ala ez".

Klima Aldaketaren Pirinioetako Behatokia

Pirinioetako Lan Elkarteak Klima Aldaketaren Pirinioetako Behatokia (OPCC) 2010ean abian jarri zuen Pirinioetan klima-aldaketaren fenomenoa eta haren eragina hobeto aztertzeko asmoz, beharrezko ekintzak finkatzeko klima-aldaketaren ondorioak mugatzearren eta haiei egokitzeko. Horretarako, beharrezkoa da sektore sozio-ekonomiko eta natura-gune ahulenenei zuzendutako egokitzapen-estrategiak zehaztea. Horrenbestez, Pirinioen irudia handitu nahi da, Europa eta nazioarteko mailara, klima-aldaketaren behaketa eta egokitzapeneko eremuetan eta Behatokia OPCCk aztertutako gaiei lotutako Europako sareen barnean integratu nahi da.

`Pirinoetako Aktoreak: nola prestatu haren egokitzapena klima-aldaketara?´ mintegia

Groupement ACTeon (Frantzia), BC3 (Espainia) eta Fresh Thoughts (Austria) aholkularitza-enpresek egindako azterketa gaur aurkeztu da `Pirinioetako Aktoreak: nola prestatu haren egokitzapena klima-aldaketara?´ izeneko mintegiaren barnean. Jardunaldia Tolouse-en egin da eta Pirinioetako Lan Elkarteak antolatu du. Gogoratu behar da Nafarroak duela urria arte mugaz haraindiko lankidetza-erakunde horren burutza. Midi-Pyrénées eskualdeko lehendakari Martin Malvy-k eta Nafarroako Gobernuko Ingurumeneko Kalitate Zerbitzuaren zuzendari Pedro Zuazok ere esku-hartu duten Esparza kontseilariaren aurkezpenaren ondoren, Jean Louis Etienne mediku eta esploratzaile frantsesak klima-aldaketaren eraginari buruzko hitzaldia eman du. Hitzaldia bi mahai-ingururekin amaituko da: Zergatik egokitu klima-aldaketari? (Non eta Noiz?) eta Nola egokitu klima-aldaketari?; mahai-inguru horietan Pedro Zuazok ere parte hartuko du.