Nafarroako Gobernuak aurten 450.000 eurorekin finantzatuko ditu Foru Komunitateko adinekoen elkartegintza sustatzen duten ekimenak. Diru-laguntza deialdi horren oinarriak Gizarte Politiken kontseilari Iñigo Alliren foru-aginduz araututa daude, eta berriki Nafarroako Aldizkari Ofizialean argitaratu dira.

Horretarako, eskaerak ekainaren 13a baino lehen aurkeztu beharko dituzte Nafarroako Gobernuaren edozein erregistrotan. Gizarte Politiken Departamentuak ezarritako formularioaz gain, beraien balantzea eta aurrekontu ekonomikoa, kontratatutako langileen zerrenda bat eta aurtengorako funtzionamendu-gastuen zerrenda bat eman beharko dituzte, beste dokumentu batzuen artean.

Deialdi horren bidez, entitatearen funtzionamendu-gastuen zati bat finantzatuko da (bulegoa, telefonoa, argia, gasa…) eta baita funtzio tekniko, administratibo, garbiketa, sukaldaritza edo atezaintzako funtzioak egiten dituzten langileen kontratazioko gastuen zati bat ere.

Diru-laguntzen emakida lehiaketa-prozeduraz ebatziko da, entitateko bazkide kopurua balorazio-irizpidetzat hartuz eta, hala badagokio, gizarte-bazterketa izateko arrisku handia duten adinekoen arreta.