Nafarroako unibertsitateen uda-ikastaroen 13. edizioak prestakuntzako 27 ekintza eskaintzen ditu guztira ekainetik irailera arte, eta hainbat gairi buruzkoak izango dira: artea, antzerki klasikoa, cibersegurtasuna eta delinkuentzia Interneten, enplegua bilatzeko trebeziak eta enpresa baten sorrera, bai eta krisiak zer eragin duen gazteengan, robotikan, giza genoman eta Palestinako giza eskubideetan.

Programa antolatu dute, Nafarroako Unibertsitate Publikoak (NUP), Nafarroako Unibertsitateak (NU), Iruñeko nahiz Tuterako UHUNen zentro kideek, Nafarroako Gobernuarekin eta Iruñeko Udalarekin batera. Programa datorren asteazkenean, ekainak 5, hasiko da "Lana eta familia, gure buruan jabe gara ala esklaboak?" irekitze-ekitaldiarekin, eta gai horren inguruan IESEko lana eta familiaren nazioarteko zentroko zuzendari Nuria Chinchilla ariko da, Iruñeko Condestable Jauregian.

Eskaintza Iruñean garatuko da bereziki, baina beste prestakuntza-ekintza batzuk ere barnean hartzen ditu Lizarran, Mutiloan (Aranguren), Erriberrin eta Tuteran.

Programa gaur aurkeztu du prentsaurrekoan Hezkuntza kontseilari José Iribasek; Iruñeko Udalaren Hezkuntza eta Kultura zinegotzi-ordezkari Fermín Alonsok; eta antolatzaile diren unibertsitateetako ordezkariek: NUPen Unibertsitate Proiekzioko erretoreorde Eloisa Ramírez eta NUko Nazioarteko Harremanetako erretoreorde María Pilar Lostao, eta Iruñeko UHUNeko egoitzen zuzendari José Luis Martín Nogales eta Tuterako Luis J. Fernández.

Antolaketan ere lagundu dute: Nafarroako Erdialdeko Garapen Partzuergoak, Nafarroako Ateneoak, ESIC Navarrak, Slovak Institute of Technology institutuak, Alcalá de Henaresko unibertsitateak, Herritarren Unesco Katedrak, Convivencia y Pluralismo-k, Sodepaz-ek, Henri Lenaerts fundazioak eta Foru Gobernuko zenbait unitate eta programak , esaterako: Erriberriko Antzerki Klasikoaren Jaialdia, Navarrabiomed-Miguel Servet fundazioak, Lizarrako Antzinako Musika Asteak, Nafarroako Dantza Eskolak eta Navarra en Danza-k.