Nafarroako Enplegu Zerbitzuen (NEZ) Enplegu Agentzietan 53.185 langabe zeuden erregistratuta maiatzaren amaieran, hau da, % 2,31 jaitsi da (1.259 pertsona) iragan hilabetearekin alderatuz; orduan, 54.444 pertsona ziren.

Kontratazioari dagokionez, NEZan erregistratuta eta lantokia Nafarroan duten kontratu-kopurua 20.485ekoa izan da. Hau da, apirilarekin alderatuz, 81 kontratu gehiago.

NEZen zuzendari-gerente Mª Isabel García Malok langabeziak hirugarren hilabetez jarraian izandako jaitsiera baikor hartu du, nahiz eta oraindik ezin den esan enpleguaren hazkundea finkatu dela. Azpimarratu du, gainera, erregistratutako kontratuen kopuruak gora egiten jarraitzen duela, kontratazioa mugagabean izandako igoera, % 14,11, nabarmenduz.

Sektore ekonomikoen arabera, honako arlo hauetan langabeziak izandako beherakada azpimarratu behar da: elikaduraren industria (kontserbagintza) (-138 pertsona); enpleguari lotutako jarduerak (-134), nekazaritza (-130), ostalaritza (-129), eraikuntza (-89) eta txikizkako merkataritza (-85 pertsona). Etxeko zerbitzuaren sektorean 95 pertsona gehiago dago lanik gabe.

Sexuaren arabera, 27.125 emakumezko daude lanik gabe, % 1,57 jaitsi da, eta 26.060 emakumezko, % 3,07 jaitsi da, aurreko hilabetearekin alderatuz; horrek esan nahi du langabezia gehiago jaitsi dela gizonezkoen artean.

Erregistratutako 20.485 kontratuetatik, 1.116 mugagabeak izan ziren, erregistratutako kontratu guztien % 5,45.