Nafarroako Gobernuak ez ditu Nafarroako Unibertsitate Publikoko matrikularen prezio publikoak igoko 2013-2014 ikasturtean. Haiek eguneratuko dira apirileko (ezagutzen den azken datua) Nafarroaren urte arteko inflazioaren baliokidean bakarrik, hau da, % 1,3. Horrenbestez, prezioak aurtengo ikasturtekoak izango dira, Hezkuntza, Kultura eta Kirol Ministerioaren araudiak uzten duen gutxienekoan, hain zuzen.

Horrek esan nahi du matrikularen % 85 (% 75 masterretan) herritarrek finantzatuko dutela zergen bidez eta ikasleen familiek gainerako % 15 bere gain hartuko dutela (% 25 masterretan). Gainera, behar besteko baliabide ekonomikorik ez duten familien kasuan, ikasleei bekak emango zaizkie, baldin eta emaitza akademikoak onak badira, haiek egindako ahalegina saritzeko asmoz.

Bestalde, 2., 3. eta 4. matrikulen portzentajeei eusten zaie, ikasleek ikasgaiak errepikatu behar dituzten kasuan.

Irizpide horrekin igoerak honako hauetan zehazten dira:

• Gradutan, 6,1 eta 8,65 euro artean seihileko.
• Ziklotan, 10,4 eta 14,8 artean ikasturteko.
• Masterretan, 21,3 euro profesionalizatzeko helburua dutenak eta 34,1 euro profesionalizatzeko helburua ez dutenak, masterreko (60 kreditukoak).

Errepikatzen diren ikasgaietan (sei kredituko ikasgairako kalkulatzen da):

• Gradutan,

• Bigarrenak (hirugarren eta laugarren deialdiak), 2,45 eta 3,47 euro artean.
• Hirugarrenak (bosgarren eta seigarren deialdiak), 5,31 eta 7,52 euro artean.
• Laugarrenak (zazpigarren eta zortzigarren deialdiak), 7,35 eta 10,41 euro artean.

• Ziklotan,

• Bigarrenak (hirugarren eta laugarren deialdiak), 2,08 eta 2,95 euro artean.
• Hirugarrenak (bosgarren eta seigarren deialdiak), 4,52 eta 6,40 euro artean.
• Laugarrenak (zazpigarren eta zortzigarren deialdiak), 6,25 eta 8,86 euro artean.

• Masterretan,

• Bigarrenak (hirugarren eta laugarren deialdiak), 2,56 eta 5,55 euro artean.
• Hirugarrenak (bosgarren eta seigarren deialdiak), 5,55 euro.
• Laugarrenak (zazpigarren eta zortzigarren deialdiak), 5,55 eta 7,68 euro artean.