Nafarroako Gobernuak larrialdi-egoera desaktibatu du eta Uholdeen Larrialdi Planean aurreikusitako normaltasun-egoerara pasa da, urak jada Aragoiko lurretan barrena doazela ikusita.

Bestalde, Nafarroako Lehendakari Yolanda Barcinak Barne ministro Jorge Fernández Díaz eta Nekazaritzako ministro Miguel Arias Cañete-rekin hitz egin du. Lehendakariak eskatu die azken uholdeengatik suertatutako kaltetuentzat laguntzak ezarriko dituen dekretu-lege bat egin dezatela, era honetako ekintzetan erabiltzen den mekanismoa, hain zuzen.

Espainia eta Nafarroako gobernuen arteko ezinbesteko elkarlana defendatu duen Barcinak, halaber, Gobernu zentraleko presidente Mariano Rajoy-ren deia jaso du, uholdeek zer kalte eragin dituen jakin nahian.

Gogoratu behar da Nafarroako Gobernua foru-agindu bat prestatzen ari dela uholdeen ondorioz egiten diren obra edo konponketei dagokien kontribuzioaren zergak ez ordaintzeko.

Ebro ibaiak gainezka egin ondoren urpean utzi ditu atzo arratsaldetik Castejonetik beherako uretan dauden udalerrietako soro landuak, Arguedas eta Valtierran berezki; toki horietan ibaiak lubeta gainditu du. Aldiz, Buñuel, Fontellas eta Ribaforada udalerrietan kalte gutxiago izan dute lubeta udalek beraiek ordeztu baitzuten. Nolanahi ere, oro har, Nafarroako Larrialdi Agentziak adierazi du Ebroren uhaldiak soro landuetan izan duen eragina iragan urtarrilean izan zuena baino dezente txikiagoa" izan dela.

Bestalde, N-113 errepideak (Iruña-Madril) itxita jarraitzen du Castejón parean (75 eta 77 KP) Ebro ibaiak udalerri horretan gainezka egin ondoren.

Une hauetan, 08:40an, Ebroren ibaiaren emaria Castejónetik pasatzean 1.432 m3/s-ra jaitsi da; atzo, emari hori atzo 1.907 m3/s-ra iritsi zen 18:30ak aldera, uhaldia bere puntu gorenean zegoenean. Nafarroako ibaietan dauden gainerako edukiera-estazioek maila normalak dituzte.