Diruz lagundutako proiektuek hainbat diziplinatako proposamenak aurkeztn dituzte –haur-antzerkia, helduentzako antzerkia, dantza eta zirkua–. Erakunde onuradunak eta diruz lagundutako zenbatekoak honako hauek dira: La Nave Producciones Teatrales SL (28.395 euro), Pasadas las cuatro ( 10.915 euro), Atikus Teatro (29.330 euro), Análisis de los cuerpos en movimiento SL, Fueradeleje (15.000 euro) eta Circunstanzia Zirku Garaikidearen Konpainia (6.359 euro).

La Nave Producciones Teatrales SL enpresaren lehen proiektuak "El nombre de la rosa" ("Arrosaren izena") obra ezagunaren antzerki-egokitzapena aurkezten du. Hainbat urtetan Umberto Ecori baimena eskatu ondoren nobela horren lehen egokitzapena burutzea erdietsi dute azkenean. Hilketa batzuk gertatzen diren XIV. mendeko abadia beneditar bati buruzko argumentua du. Obrak arrazoiaren argiaren eta fanatismoaren iluntasunaren arteko borroka ere aurkezten du. Proiektu honek arrakasta handia izan du jendearen nahiz kritikaren artean Atarrabiako kultur etxeko estreinaldian nahiz Caceresko Antzerki Klasikoaren Jaialdian, eta Nafarroako Gobernuaren programa propioen barnean dago; hala, Erriberriko Jaialdian antzeztuko da uztailaren 20an.

Bestalde, Pasadas las cuatro-k "ploc, ploc... PLIK!" haurrentzako ekoizpena aurkeztu du. 0-3 urte arteko haurtxoentzat edo 3-4 urte arteko ikasleentzat sortutako musika- eta antzerki-ikuskizuna da, Euskadiko Orkestra Sinfonikoarekin koproduzitutakoa. Ura da gai nagusia, bizitzaren, soinuen, erritmoen eta hainbat sentsazioren iturri. Proiektuak interes artistiko eta kultural handia du, zenbait diziplina artistiko batzen baititu (musika, antzerkia, dantza, arte plastikoak) eta gaur-gaurko hainbat gizarte-sentsibilitate jasotzen baititu (belaunaldi arteko topaketak, publiko berrien sorrera eta ezinduen integrazioa).

Atikus Tetarok "Pobre de mí, Tío Vania", izeneko antzezlana aurkezten du, Chejov-en testu batean oinarritutakoa. Porrot egin duten pertsona-talde bat deskribatzen da bertan, beraien zorigaitz pertsonaletan hondoratuta daudenak, desagertu egingo den bizitza-mota baten gainbeheraren paradigmak. Pertsonaiak ondorengo testuinguruan ageri dira: aristokrazia pixkanaka kontsumitzen ari da indartzen ari den burgesiaren ordena berriaren aurrean, garai bateko distira eta boterea galduz.

Análisis de los cuerpos en movimiento SL, Fueradeleje-k, berriz, "Meeting point" izeneko dantza garaikideko ikuskizuna aurkezten du. Bi dantzarirentzako pieza da eta giza harremanen arteko faseak aztertzen ditu. Dantza ikus-entzunezko lan batekin indartzen da, zine mutuaren filmak gogora ekarriz neurri batean. Telebistak agertokian banatuko dira eszenografia modura eta baita besaulki-patioan ere, eta eszena bakoitza konektatzen joango dira, edo nabariaraziz, koreografiaren zati bihurtuz askotan.

Azkenik, Circunstanzia Zirku Garaikidearen Konpainiak "Oniro" muntaia aurkezten du. Artistak zirkuko teknikak landuko dituzte, adibidez: lurreko akrobaziak, aire-akrobaziak (trapezio finkoa eta soka bertikala), akroporteak, objektuen manipulazioa eta bertikalak. Haiek guztiak dantza garaikidean, borroka-artean eta keinuen antzerkian oinarrituta daude. Ahozko teknika eta interpretazioa ere presente izango da ikuskizunean.

Berrikuntzen artean, aurten deialdiak balio handieneko proiektua eskaintzen du, Kultura Zuzendaritza Nagusia-Vianako Printzea Erakundeak Nafarroako espazio eszenikoetan sustatutako eta kofinantzatutako bira.