Gainera, oso gomendatua den familiako ikuskizun bat programatu da. Antzerki Klasikoaren Konpainia Nazionalaren eta Uroc Teatroren ekoizpen bat da eta Calderónen auto sakramental bat familia guztiarentzako musika-ikuskizun dibertigarri bat bihurtu dute. Eskaintzari amaiera emateko, El espejo negro-ren txotxongiloekin saio eroa izango da Muñoz Secaren "La venganza de Don Mendo"-ren ("On Mendoren mendekua") bertsio zoro baten eskutik.
Ikastaroen arloan, zuzendari eta egile nafar Alfredo Sanzol ospetsuak (2013an Max saria eskuratu du En la luna obragatik) eszenako sorkuntza dramatikoaren tailerra emango du, Miguel del Arcoren laguntzarekin. Han, bertaratuek, inprobisaziotik abiatuta egitura dramatikoak sortzeko teknika ikasiko dute. Griso-Nafarroako Unibertsitatearen eskutik ere, Nafarroako Antzerki Klasikoaren II. Jardunaldiak egingo dira eta baita zabalkundeko beste ekintza batzuk ere, esaterako: Jauregiko pertsonaiei buruzko hitzaldiak, nobela historikoa, eta Arrosaren izena ekoizpenean oinarritutako tailer bat ere, eta haren helburua ikusleak pertsonaien karakterizazioko tekniketan eta eszenografian prestatzea da, eta haren aplikazio praktikoa aipatutako ikuskizunean.

Dibulgazio historikoa Erriberriko Jauregiari buruzko jardunaldi batzuetan ere ageri da, udalerriko Udalaren laguntzarekin egindakoak. Hilaren 18an eta 19an izango dira Errege Jauregian, eta sarrera doan da edukiera bete arte. Erriberriko Errege Jauregiaren hondamendiaren bigarren mendeurrenaren ospakizuna dela eta, ikastaro horrek bi blokeren baitan antolatutako hitzaldiak eskainiko ditu: bata eraikuntzari eta haren egunerokotasunari buruzkoa (Erdi Aroa) eta bestea haren suntsiketari buruzkoa Independentziaren Gerraren testuinguruan (XIX. mendea eta haren ondorengo berrezarpena, XX. mendearen hasieratik). Gainera, nobela historikoari buruzko ikastaroak ere izango dira, Belén Galindo kazetariak koordinatuta.

Erriberriko Udalak emandako laguntza ere nabarmendu behar da eta baita hiriko ostalariek programari emandako laguntza garrantzitsua ere; aisialdiko eta gastronomiako eskaintza interesgarria sustatu dute, eta eskaintza horri buruzko informazioa webgunean topa daiteke.

Sarrerak leihatilan edo www.culturanavarra.es webgunean saltzen dira. Bigarren kasu horretan, ikusleak leihatilan jaso ditzake edo bertan inprima daitezke. Abonuak webgunean bakarrik salduko dira ekainaren 28a arte, eta leihatila bidezko salmenta Ardoaren museoko turismo-bulegoan egingo da (Taobaldoen plaza, 4. Erriberri), uztailaren 16tik abuztuaren 3ra.

"Jauregiko bitxiak"-en emanaldien prezioa 15 eurokoa da online eginez gero eta 18 eurokoa leihatilan (12 euro gazte-txartelarekin). Gainera, 6 sarreren abonu bat dago sei "Jauregiko bitxietarako" 70 euroan eta, 4 Bitxietarako, 48 euroko beste abonu bat.

"Bertako klasikoak" programako ikuskizunen sarrerek 5 euro balio dute online eginez gero eta 7 euro leihatilan (5 gazte-txartelarekin). 3 ikuskizunetarako abonu bat dago 12 euroan.

Azkenik, "Otro gran teatro del mundo" ("Munduko beste antzerki handi bat") ikuskizunak 6 euro balio ditu online eta 10 leihatilan (6 euro gazte-txartelarekin) eta "La venganza de Don Mendo"-k ("On Mendoren mendekua") 10 euro online eta 12 leihatilan (8 gazte-txartelarekin).

Aurtengo edizioan berrikuntza modura, ostalaritza eta aisialdiko eskaintza bat sartzen da, tokiko enpresek egindakoa, eta haiek beherapenak eskaintzen dituzte ostatuan, gastronomian eta upeltegietan. Trukean, antolakuntzak "Jaialdiaren establezimendu laguna" zigilua emango die lokal laguntzaile guztiei.

Vianako Printzea paradorean, García Ramírez hotelean, Merindad de Olite hotelean, El Juglar hotelean eta Beireko Bei.Tu ostatu eta aterpetxean ostatu hartzeagatik % 10eko beherapena aplikatuko da.

Gastronomian, menu bereziak eskaintzen dituzte La Muralla, Casa del Preboste, Erri Berri, Gambarte eta Ducay jatetxeek, eta Katitxa, Tokizar eta El Sol tabernek.

Marco Real, Piedemonte, Pagos de Araiz eta Vega del Castillo upeltegiek ere, % 20 eta % 25eko beherapenak eskaintzen dizkiete ikastarorako sarrera edo ziurtagiria duten ikasle eta publikoari.