Gaur goizean beste harri-jausi bat izan da N-121-A errepidean (Iruña-Behobia), Bera parean eta iragan astean gertatu zen puntu berean (63+200 KP). Lehengo Arkaitza harrobiko ezponda harritsutik etorritako materialak errei bat moztea eragin du eta ibilgailuak ordezko beste pasabide batetik bideratzea.

Sustapen Departamentuak jausiak gertatu diren lursailaren enpresa titular ‘Hormigones y Morteros Preparados, S.A.’ enpresari eskaera egin dio ezponda egonkortzeko lanak egin ditzan. Horretarako, altuerako lanetan espezialista den talde bat (INACCES) kontratatu du, eta haiek, alde batetik, ezponda berraztertuko dute, eta bestetik, ezegonkor geratu diren harri-blokeak kenduko. Lan horietarako, beharrezkoa izan da errepidean segurtasunezko leku bat finkatzea erreia moztuz eta ibilgailuentzako beste pasabide bat jartzea saneamenduko nahiz egonkortzeko lanak iraun bitartean; dena den, ezin da jakin lan horiek zenbat iraungo duten.

Zirkulazioa seinalegileekin arautzen ari dira lan-ordutegian eta, handik kanpo, semaforoen bidez. Gainera, "new jersey" hormak jarri dira galtzadaren ardatzean eta kabailoi bat egin da harrobiko materialarekin eror daitezkeen harriak hartzeko.