Bestalde, Gazteluko plazan dagoen Foruzaingoaren Herritarrentzako Arreta Bulegoa indartuko da jaietan eta 24 orduko zerbitzua ematen jarraituko du. Salaketak jasotzeaz gain, bulego horrek Iruñeko Udalarekin lan egingo du galdutako objektuak jasotzeko garaian.

Zezenaren Feriari dagokionez, Foruzaingoak Aginpidearen Ordezkaritza modura ariko da zezenen lurreratze, pisatze, albaitariaren azterketan eta zezenen bereizketan, beste eginkizun batzuen artean.

Gainera, agenteek zezen-ospakizunak behar bezala egin daitezen zainduko dute eta kailejoian nahiz zezen-plazan eta inguruan ordena gorde dadin. Alde horretatik, Foruzaingoak zezen-plazaren inguruak kontrolatuko ditu zezenketetarako birsalmenta eragozteko. Legez kanpoko jarduera hori hautemanez gero, sarrerak kenduko dira salaketa-akta baten bitartez, eta hura Iruñeko Udalera igorriko da zehapen-espedientea has dezan.

Entzierroari dagokionez, Foruzaingoa, Iruñeko Udaltzaingoaren laguntzarekin, azken zatian ordena bermatzeaz arduratuko da (Tejeria-Telefonica-Zezen Plaza).

Aurreko urteetan bezala, Foruzaingoak beraien herritarren kontrol eta segurtasuneko lanekin jarraituko dute zezen-plazan egiten diren ekitaldietan, ospakizunetan giza legezkoak ez diren jokabideak murrizteko asmoz. Beste batzuetan, esku-hartze gehienak harmailetatik jaurtitako objektuen eta borroken ondorioz egin izan dira.

2012an Foruzaingoak 100 salaketa jarri zituen Zezenen Araudiaren urraketari lotuta eta 93 pertsona atera zituen zezen-plazatik ospakizunak egin bitartean. Gainera, zezen-plazan herritarren segurtasunari lotutako 25 salaketa izapidetu zituen eta beste 9 udal-ordenantzen arau-urratzeengatik.

Gogoratu behar da, ordena publikoaren nahasmenduaren kasuan isunak 300 eurokoak izan daitezkeela eta objektuak zezentokira jaurtitzeagatik 300 eta 6.000 euro artekoak.

Bestalde, Foruzaingoak arreta berezia jarriko du kanpaldi irregularren kontrolean, kontrolik gabeko isurketetan eta baimenik gabeko suetan Iruñeko berdeguneetan nahiz hiriburuaren inguruko udalerrietan.

Bideko segurtasuneko jarduketei dagokienez, Foruzaingoak Nafarroako Bide Segurtasuneko Estrategiaren 2013ko aurreikusitako Ekintza Planarekin bat egingo du; plan horretan Foru Komunitateko beste polizia batzuek ere parte hartuko dute.

Aurretiazko kontrolak

Iragan ekainaren 24tik eta uztailaren 5a bitarte Foruzaingoa kontroleko dispositibo egonkor batzuk egiten ari da, beste segurtasun-indar batzuekin koordinatuta, Iruñera sartzeko hainbat bidetan eta autobus- nahiz tren-geltokietan.

Kontrol horiek Txakur Gidarien Taldearen eta Esku-hartze Berezien Taldearen laguntza dute. Helburua drogak, substantzia estupefazienteak, armak eta lehergaiak aurkitzea da.

Indarkeriazko taldeetakoak edo antolatuetakoak izan daitezkeen pertsonen presentzia aztertzen da ere. Horretarako, agenteek susmagarriak identifikatzen dituzte eta izan daitezkeen aurrekari edo errekisitoria judizialak aztertzen.