Nafarroako Enplegu Zerbitzuaren (NEZ) Enplegu Agentzietan 51.421 langabe erregistratu ziren ekainaren amaieran, hau da, % 3,32 jaitsi da (1.764 pertsona) aurreko hilabetearekin alderatuz; orduan, 53.185 lagun zeuden lanik gabe.

2012ko datuekin alderatuz, langabeziak aurreko urteko ekainean baino bikoitza baino gehiago egin du behera (2013ko ekainean, % 3,32 eta 2012ko ekainean, % 1,49)

Kontratazioari dagokionez, Nafarroako Enplegu Zerbitzuan (NEZ) 21.102 kontratu erregistratu dira, lantokia Nafarroan izanik. Hau da, 617 kontratu gehiago maiatzarekin alderatuz.

Nafarroako Enplegu Zerbitzuko Zuzendari Gerente Mª Isabel García Malok langabeziaren jaitsiera "positibotzat" jo du, "bereziki laugarren jaitsiera delako jarraian". Nolanahi ere, gaineratu du, "zentzuzkoa izango zela datozen hilabeteotako datuen zain geratzea joera batez hitz egin aurretik". Bestalde, kontratazioaren igoera txiki bat azpimarratu behar da (% 3) aurreko hilabetearekiko, nahiz eta kontratazio mugagabeak behera egin duen.

Enplegu-agentzien arabera, langabezia guztietan jaitsi da: Agoitz (% 5,33), Lizarra (%, 4,85), Tafalla (% 4,16), Yamaguchi (% 3,99), Altsasu (% 3,95), Doneztebe (% 3,49), Tutera (% 3,45), Lodosa (% 3,15), Ensantxe (% 2,93) eta Arrotxapea (% 2,24).

Sektore ekonomikoen arabera, honako alor hauetan izandako jaitsiera nabarmendu behar da: osasun-jarduerak (245 pertsona gutxiago). enpleguari lotutako jarduerak, ABLEk (228), motordun ibilgailuen fabrikazioa (162), txikizkako merkataritza (139), Administrazio Publikoa eta Defentsa, GS (134 pertsona).

Sexuaren arabera, langabezia gizonen kasuan gehiago jaitsi da. 26.352 emakume daude lanik gabe, % 2,85 murriztuz eta 25.069 gizon, % 3,8 jaitsiz aurreko hilabetearekin alderatuz. Adin-taldeen arabera, 25 urtetik beherako langabeen kopuruak % 7,65 egin du behera (4.971 dira orain), eta 25 urtetik gorakoen langabezia, berriz, % 2,83 jaitsi da (46.450 dira orain) aurreko hilabetearekin alderatuz.

Kontratazioa. 2013ko ekainean 21.102 kontratu erregistratu ziren Nafarroako Enplegu Zerbitzuan, hau da, aurreko hilabetean baino 617 kontratu gehiago. Erregistratutako 21.102 kontratuetatik, 918 mugagabeak izan zien, hau da, kontratu guztien % 4,35.